Search
  • Follow NativePlanet
Share
» »കർണാടകയിലെ ദമ്പൽ ഗ്രാമത്തിന്റെ പൗരാണികമായ സൗന്ദര്യം

കർണാടകയിലെ ദമ്പൽ ഗ്രാമത്തിന്റെ പൗരാണികമായ സൗന്ദര്യം

ചരിത്രപരമായ ആശ്ചര്യങ്ങളും പ്രകൃതിദത്തമായ സുന്ദരദൃശ്യങ്ങളുമൊക്കെ ഒത്തൊരുമിച്ച് നിലകൊള്ളുന്ന ഇന്ത്യയിലെ ഏറ്റവും മനോഹരമായ സംസ്ഥാനങ്ങളിൽ ഒന്നാണ് കർണാടക. ഇവിടുത്തെ പ്രധാനപ്പെട്ട സ്ഥലങ്ങളായ മൈസൂർ, ഹംപി തുടങ്ങിയവയൊക്കെ ഏതൊരു വിനോദ സഞ്ചാരികളുടേയും ഓർമ്മയിൽ കുറിച്ചിട്ട സ്ഥലങ്ങളാണെന്ന കാര്യവും നമുക്കറിയാം

ഗഡാഗ് ജില്ലയിലെ ദംബൽ എന്ന സ്ഥലത്തെക്കുറിച്ച് നിങ്ങൾ കേട്ടിട്ടുണ്ടോ.. ക്രിസ്തു കാലഘട്ടത്തിനു മുൻപേ നിലവിലുണ്ടായിരുന്നുവെന്ന് വിശ്വസിക്കുന്ന ഒരു സ്ഥലം കൂടിയാണ് ഇതെന്നു പറഞ്ഞാൽ നിങ്ങൾ വിശ്വസിക്കുമോ...? അതിനുതകുന്ന ശക്തമായ തെളിവുകളൊന്നും ഇതുവരെ കണ്ടെത്താനായിട്ടില്ലെങ്കിലും ആയിരക്കണക്കിന് വർഷങ്ങൾക്ക് മുൻപാണ് ഈ സ്ഥലം സ്ഥാപിക്കപ്പെട്ടതെന്ന് കരുതപ്പെടുന്നു..

നിങ്ങൾ ഒരു ചരിത്രസ്മാരക അന്വേഷിയാണെങ്കിൽ, ഈ അത്ഭുതകരമായ ഒരു ടൂറിസ്റ്റ് കേന്ദ്രത്തിലേക്ക് വന്നെത്താനായി ഒരിക്കലും മടി കാണിക്കേണ്ടതില്ല. ഇത് തീർച്ചയായും ഏവർക്കുമൊരു അവിശ്വസനീയമായ സ്ഥലമായിരിക്കും. അങ്ങനെയെങ്കിൽ ഗഡാഗ് ജില്ലയിലെ ദാമ്പലിലേക്ക് ഒരു യാത്രയ്ക്ക് തുടക്കമിട്ടാലോ..? പഴയകാലത്തെക്കുറിച്ചും ദാമ്പൽ ദേശത്തെക്കുറിച്ചും അവിടേക്ക് എങ്ങനെ എത്തിച്ചേരാം എന്നതിനെക്കുറിച്ചും കൂടുതൽ അറിയാം...

ദംബൽ സന്ദർശിക്കാൻ അനുയോജ്യമായ സമയം

ദംബൽ സന്ദർശിക്കാൻ അനുയോജ്യമായ സമയം

ചരിത്രപ്രേമികൾക്കായി വർഷം മുഴുവൻ തുറന്നിരിക്കുന്ന ഒരു സ്ഥലമാണ് ദമ്പൽ. . എന്നിരുന്നാലും, ചൂടുകാലത്തെ യാത്രാ പ്രശ്നങ്ങളെ ഒഴിവാക്കാൻ നിങ്ങൾ ആഗ്രഹിക്കുന്നുവെങ്കിൽ സെപ്റ്റംബർ ആദ്യം മുതൽ ഏപ്രിൽ അവസാനം വരെയുള്ള നാളുകളാണ് സന്ദർശനത്തിന് ഏറ്റവും അനുയോജ്യം. ഈ കാലയളവിൽ പ്രകൃതിഭംഗി അതിന്റെ ഏറ്റവും ഉച്ചസ്ഥായിയിൽ എത്തുന്നത് നിങ്ങൾക്ക് കാണാനാവും.

PC- Dineshkannambadi

ദംമ്പൽ ഗ്രാമത്തെ കുറിച്ച് ചിലത്

ദംമ്പൽ ഗ്രാമത്തെ കുറിച്ച് ചിലത്

കർണാടകത്തിലെ ഗഡാഗ് ജില്ലയിൽ സമുദ്രനിരപ്പിൽ നിന്നും 2000 അടി ഉയരത്തിലാണ് ദമ്പൽ നഗരം സ്ഥിതി ചെയ്യുന്നത്. മൗര്യ രാജവംശത്തിൻറെ ഭരണകാലത്താണ് ദംമ്പൽ നഗരം സ്ഥാപിക്കപ്പെട്ടതെന്ന് വിശ്വസിക്കപ്പെടുന്നു. വിശിഷ്ടമായൊരു ബുദ്ധമത കേന്ദ്രമായിരുന്ന ഇവിടെ നിരവധി ബുദ്ധ സന്യാസിമാർ താമസിച്ചിരുന്നിതായും അവരൊക്കെ തങ്ങളുടെ അറിവ് ശിഷ്യന്മാർക്ക് പകർന്ന് കൊടുത്തതായും അറിയപ്പെടുന്നു.

ഈ നാടിന്റെ ഉത്ഖനന വേളയിൽ കാലാതീതമായ പുരാതന ബുദ്ധവിഹാരങ്ങൾ പലതും കണ്ടെത്തിയിട്ടുണ്ട്. ഇന്ന് നിങ്ങൾക്കിവിടെ പന്ത്രണ്ടാം നൂറ്റാണ്ടിൽ പണികഴിപ്പിച്ച ദൊഡ്ഡബസപ്പ ക്ഷേത്രവും മറ്റു ചില പുരാതന ക്ഷേത്രങ്ങളും, കാലാധിക്യത്തിൽ തകർന്നുപോയ അവയുടെ അവശിഷ്ടങ്ങളും മാത്രമേ കാണാനാവൂ

ഈ പ്രദേശത്തിൽ വർദ്ധിച്ചുവരുന്ന ഹിന്ദു മതത്തിന്റെ ജനപ്രീതി തങ്ങൾ സന്യാസിമാരുടെ ജീവിതത്തെയും അധിവാസത്തെയും കൂടുതൽ കഠിനമാക്കുകയും, അങ്ങനെയവർ ഈ സ്ഥലത്തെ പൂർണ്ണമായും ഉപേക്ഷിച്ചു കൊണ്ട് യാത്ര തിരിച്ചുവെന്നുമാണ് ഐതീഹ്യങ്ങൾ പറയുന്നത്. ഡെക്കാണിലെ സാത്തവാഹനന്മാരുടേയും മൗര്യന്മാരുടേയും കാലത്തെ ഏറ്റവും പ്രധാനപ്പെട്ട ഒരു ഗ്രാമമായിട്ടാണ് ദാമ്പൽ അറിയപ്പെടുന്നത്..

PC- Siddharth Pujari

ഇവിടത്തെ ആകർഷണങ്ങളും ഇവിടെ എത്തിയാൽ ചെയ്യേണ്ട കാര്യങ്ങളും

ഇവിടത്തെ ആകർഷണങ്ങളും ഇവിടെ എത്തിയാൽ ചെയ്യേണ്ട കാര്യങ്ങളും

പന്ത്രണ്ടാം നൂറ്റാണ്ടിൽ പണികഴിപ്പിച്ച ദൊഡ്ഡബസപ്പ ക്ഷേത്രത്തെ സന്ദർശിച്ചുകൊണ്ട് അതിമനോഹരമായ ഇവിടുത്തെ വാസ്തുവിദ്യാ ശൈലിയെ വീക്ഷിക്കുന്നതിന് ഉപരിയായി ഇവിടെ ഈ അടുത്തിടെ കണ്ടെത്തിയ ജപ്പാദ്ബാവി ക്ഷേത്രവും കപ്പാട്ടഗുദ്ധ മലയ്ക്ക് സമീപത്തായി നിലകൊള്ളുന്ന കപ്പാട്ട മല്ലേശ്വര ക്ഷേത്രവും സന്ദർശിക്കാവുന്നതാണ്.
ദാമ്പലിലെ ചുറ്റുപാടുകൾ എപ്പോഴും മനോഹരവും ശാന്തവുമാണ്. ഫോട്ടോഗ്രാഫിയുടെ അനന്തസാധ്യത ഇവിടെ എവിടെയും പ്രകടമാണ്. ഇവിടുത്തെ അനശ്വരമായ പ്രകൃതിദൃശ്യങ്ങളെ ചിത്രങ്ങളായി ഒപ്പിയെടുക്കാൻ കഴിയുകയെന്നത് എല്ലാ പ്രകൃതിസ്നേഹികളുടെയും സന്തോഷിപ്പിക്കുന്ന ഒരു കാര്യമാണ് . പുരാതനമായ ഒരു ഗ്രാമമെന്ന നിലയിൽ ഇവിടെ വന്നെത്തുമ്പോൾ നിങ്ങൾക്ക് തദ്ദേശീയരായ നാട്ടുകാരിൽ നിന്ന് രസകരമായ പല കഥകളും കേൾക്കാൻ കഴിയും... അപ്പോൾ പിന്നെ എന്തു പറയുന്നു .....? കർണാടകയുടെ മനോഹരമായ ഭൂപ്രകൃതിയുടെ വരുതിയിൽ മറഞ്ഞിരിക്കുന്ന ഈ സ്ഥലത്തിന്റെ സൗന്ദര്യത്തെ പരിവേഷണം ചെയ്യാനായി ഇപ്പോൾ തന്നെ യാത്ര പുറപ്പെടുകയല്ലേ...?

PC- Siddharth Pujari

എങ്ങനെ എത്തിച്ചേരാം

എങ്ങനെ എത്തിച്ചേരാം

വിമാനമാർഗം: ബാംഗ്ലൂരിലാണ് ഇവിടെ നിന്ന് ഏറ്റവും അടുത്തുള്ള വിമാനത്താവളം സ്ഥിതിചെയ്യുന്നത്. ഏകദേശം 350 കിലോമീറ്റർ ദൂരമുണ്ട് ഇവിടേക്ക്. എയർപോർട്ടിൽ നിന്ന് ഇറങ്ങിയാൽ നിങ്ങൾക്ക് ദാമ്പലിലേക്ക് യാത്ര ചെയ്യാനായി ടാക്സിയിലോ ബസ്സിലോ തിരഞ്ഞെടുക്കാം , ബാംഗ്ലൂരിൽ നിന്നും ഗഡാഗിലേക്ക് ഏതാണ്ട് 8 മണിക്കൂർ സമയം യാത്ര ചെയ്യേണ്ടിവരും.

റെയിൽ മാർഗം: ഗഡാഗ് ടൗണിൽ നിന്ന് 20 കിലോമീറ്റർ അകലെയുള്ള റെയിൽവേ സ്റ്റേഷനാണ് ഏറ്റവും ഇവിടെ അടുത്തുള്ള റെയിൽവെ സ്റ്റേഷൻ. റെയിൽവേ സ്റ്റേഷനിൽ നിന്ന് ദാമ്പലിലേക്ക് ടാക്സിയിൽ സഞ്ചരിക്കാം.

റോഡ് മാർഗം: കർണാടകയിലെ ഗഡാഗ് ജില്ലയിൽ സ്ഥിതി ചെയ്യുന്ന ദംമ്പൽ നഗരം അടുത്തുള്ള റോഡുകളുമായി നല്ല രീതിയിൽ ബന്ധപ്പെട്ടു കിടക്കുന്നു. അതിനാൽ തന്നെ റോഡ് മാർഗം വളരെ എളുപ്പം എത്തിച്ചേരാനാകും

മികച്ച ട്രാവല്‍ ഡീലുകളും ടിപ്‌സുകളും യാത്രാ വിവരണങ്ങളും അറിയാം...

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more