ഒട്ടും വിലകുറച്ച് കാണേണ്ട...ഈ റൂട്ടിലൂടെയുള്ള യാത്ര നിങ്ങളെ മാറ്റിമറിയ്ക്കും

യാത്രകളെ സ്നേഹിക്കാത്തവരായി ആരും കാണില്ല. കേട്ടറിഞ്ഞ, അല്ലെങ്കിൽ ചിത്രങ്ങളിലൂടെ കണ്ടറിഞ്ഞ ഇടങ്ങൾ നേരിട്ട് കാണാനായി, അല്ലെങ്കിൽ ഒരിക്കൽ മനസ്സിൽ കയറിക്കൂടിയ ഇടങ്ങൾ കൊതിതീരെ കാണാനായി ബാഗും പാക്ക് ചെയ്തു പോകുന്ന ആളുകൾ നമ്മുടെ ഇടയിൽ തന്നെയുണ്ട്. ടൗണിലേക്ക് വെറുതേയൊന്നിറങ്ങി വരാമെന്ന് പറഞ്ഞു പോകുന്നയത്രയും ലാഘവത്തിൽ കേരളാ ടു കാശ്മീർ ട്രിപ്പ് നടത്തിയ സാഹസികരും ഇവിടെയുണ്ട്. അത്രയൊന്നും അത്രപെട്ടന്നൊന്നു പോകുവാൻ പറ്റില്ലെങ്കിലും മനസ്സു വെച്ചാൽ പോയിവരാൻ കഴിയുന്ന ഇടങ്ങളുണ്ട്. അധികം പണച്ചിലവില്ലാതെ ഒരു വണ്ടിയെടുത്ത് കറങ്ങി വരാൻ പറ്റുന്ന റോഡ് ട്രിപ്പുകൾ. യാത്ര തന്നെ ജീവിതമാക്കിയവർക്ക് ഇതാ സ്വയം കണ്ടെത്തുവാനും കൺനിറയെ കാണുവാനും പറ്റിയ ഇടങ്ങൾ പരിചയപ്പെടാം... ഒട്ടും വിലകുറച്ച് കാണരുതാത്ത ഇടങ്ങൾ ഒട്ടേറെയുണ്ട് നമ്മുടെ ചുറ്റിലും. ആളുകൾ പോയി കണ്ടറിഞ്ഞ് വന്ന് അവിടെ അത്ര കാണാനൊന്നുമില്ല എന്ന വിലയിരുത്തലിൽ മാറ്റിവെച്ച ഇടങ്ങൾ. എന്നാൽ അങ്ങനെയുള്ള വിലയിരുത്തലുകളിൽ ഒരിക്കലും വീഴരുത്. പോയികണ്ടു മാത്രം സ്ഥലങ്ങളെ വിലയിരുത്തണം. അത്തരത്തിലുള്ള വിലയിരുത്തലുകളിൽ പെട്ട് മുങ്ങിയ റൂട്ടാണ് മുംബൈയിൽ നിന്നും അലിബാഗ് വഴി തമിഴ്നാട്ടിലെ തേരേകോളിലേക്കുള്ളത്.കടൽത്തീരത്തുകൂടിയും ബീച്ചുകൾ വഴിയുമുള്ള ഈ യാത്ര റോഡ് യാത്രയ്ക്ക് റൂട്ട് തിരയുന്നവർ തീർച്ചയായും പരിഗണിക്കേണ്ട ഒന്നാണ്. 620 കിലോമീറ്റർ ദൂരമുള്ള ഈ റൂട്ട് വ്യത്യസ്തമായ അനുഭവങ്ങൾ നല്കുന്ന ഒന്നായിരിക്കും. തമിഴ്നാട്ടിൽ നിന്നും കേരളത്തിലേക്കും തിരിച്ചും ഒരു യാത്ര പ്ലാൻ ചെയ്യുന്നവർക്ക് വാൽപ്പാറ തിരഞ്ഞെടുക്കാം. കാടിന്&zwj;റെയും പ്രകൃതിയുടെയും കാഴ്ചകളാണ് ഇവിടുത്തെ ആകർഷണങ്ങൾ.മലക്കപ്പാറ-ചാലക്കുടി-ആലുവ വഴി കൊച്ചിയിലെത്തുന്ന വിധത്തില്&zwj; യാത്ര പ്ലാൻ ചെയ്യാം. അണക്കെട്ടിന്റെയും ചുരത്തിന്റെയും കാഴ്ചകളിൽ നിന്നും കാടും പച്ചപ്പും പിന്നിട്ട് നഗരത്തിരക്കിലേക്ക് ഇറങ്ങുന്ന വിധത്തിലാണ് ഇത് പ്ലാൻ ചെയ്തിരിക്കുന്നത്. സഞ്ചാരികൾ അത്രയധികമൊന്നും കേട്ടിരിക്കാൻ സാധ്യതയില്ലാത്ത ഒരു റൂട്ടാണ് കിബിത്തോയിൽ നിന്നും തെസുവിലേക്കുള്ളത്. വടക്കു കിഴക്കൻ ഇന്ത്യയിലെ അരുണാചൽ പ്രദേശിലെ ഏറ്റവും വടക്കു കിഴക്കേ അറ്റത്തുള്ള കിത്തുബോയിൽ നിന്നും ഹാവായ് വഴി തേസുവിലേക്കു പോകുന്ന പാത കാടിന്റെ വ്യത്യസ്ത അനുഭവങ്ങൾ നല്കുന്നു.കിത്തൂബിൽ നിന്നും വലോങ് വഴി ഹവായ്-ഹയുലിയാങ്-തേസു വഴിയാണ് ഇവിടേക്ക് എത്തുവാൻ കഴിയുന്നത്, ക്ഷേത്രനഗരമായ മധുരയിൽ നിന്നും രാമനാഥപുരം വഴി ധനുഷ്കോടിയിലേക്കുള്ളതാണ് അടുത്ത യാത്ര. 2500 ൽ അധികം വർഷങ്ങളുടെ അനുഭവ സമ്പത്തും സാംസ്കാരിക പാരമ്പര്യവുമുള്ള ഈ നഗരം മീനാക്ഷി ക്ഷേത്രത്തിനാണ് പ്രസിദ്ധമായിരിക്കുന്നത്. മധുരയിൽ നിന്നും രാമനാഥപുരം വഴി രാമശ്വരം-ധനുഷ്കോടി യാത്ര ഒരു റോഡ് ട്രിപ്പ് എന്നതിലുപരി ഒരു തീർഥാടന യാത്രയായി കാണുന്നതായിരിക്കും ഉചിതം. ഗുജറാത്തിൽ നിന്നും രാജസ്ഥാനിലേക്ക് നേരിട്ടൊരു റോഡ് ട്രിപ്പ് അധികമാരും കൈവെക്കാത്ത ഒന്നാണ്. അഹമ്മദാബാദിൽ നിന്നും രാജ്ഗഡ് കടന്ന് രാജസ്ഥാനിലെ ജയ്സാൽമീറിലെത്തി അവിടുന്ന് തനോതിലേക്ക് പോകുന്നത് മരുഭൂമിയും പച്ചപ്പും ഇടവിട്ടു നിൽക്കുന്ന പാതയുടെ കാഴ്ചകളിലേക്കുള്ള യാത്ര കൂടിയാണ്. 11 മണിക്കൂർ സമയം എടുക്കും അഹ്മദാബാദിൽ നിന്നും തനോത് വരെയുള്ള 685 കിലോമീറ്റർ ദൂരം പിന്നിടുവാൻ. കാശ്മീർ ട്രിപ്പ് നടത്തിയിട്ടുള്ളവർ തീർച്ചയായും പോയിട്ടുള്ള, അല്ലെങ്കിൽ ഇനി പോകുന്നവർ മറക്കാതെ യാത്ര ചെയ്തിരിക്കേണ്ട റൂട്ടാണ് ജമ്മുവിൽ നിന്നും ശ്രീനഗറിലേക്കുള്ളത്. ശ്രീനഗറിൽ നിന്നും നിന്നും ചാണ്ഡിമാർഗ് വഴി രാജൗരി കടന്നാണ് ജമ്മുവിലേക്ക് പോകുന്നത്. 330 കിലോമീറ്റർ ദൂരമാണ് ഈ യാത്രയിൽ പിന്നിടുവാനുള്ളത്.