Click it and Unblock the Notifications
ഒരിടവേളയ്ക്ക് ശേഷം രാജ്യത്ത് വീണ്ടും കൊവിഡ് കേസുകളില് വലിയ വര്ധനവ റിപ്പോര്ട്ട് ചെയ്യുന്ന സാഹചര്യത്തില് വിമാനയാത്രക്കാർക്കു പുതിയ മാർഗനിർദേശവുമായി ഡയറക്ടർ ജനറൽ ഓഫ് സിവിൽ ഏവിയേഷൻ(ഡിജിസിഎ). കൊവിഡ് നിര്ദ്ദേശങ്ങള് പാലിക്കാതെയും മാസ്ക് ധരിക്കാതെയും വിമാനത്താവളത്തില് എത്തുന്നവര്ക്കെതിരെ ശക്തമായ നടപടികള് സ്വീകരിക്കും.
PC: Elly Johnson
എല്ലാ യാത്രക്കാരും അവരുടെ വിമാന യാത്രയുടെ മുഴുവൻ സമയത്തും മാസ്ക് ധരിച്ചിട്ടുണ്ടെന്ന് ഉറപ്പാക്കേണ്ടത് എയർലൈനിന്റെ ഉത്തരവാദിത്തമാണെന്നും ഡിജിസിഎ വ്യക്തമാക്കിയിട്ടുണ്ട്. അനുവദനീയമായ കാരണങ്ങളാൽ അസാധാരണമായ സാഹചര്യങ്ങളിൽ മാത്രമേ മാസ്ക് നീക്കം ചെയ്യാവൂ എന്നും നിര്ദ്ദേശത്തില് പറയുന്നു.
മുന്നറിയിപ്പുകളും യാത്രക്കാർക്ക് നിയമങ്ങളെക്കുറിച്ച് ബോധവാന്മാരാണെന്ന് ഉറപ്പാക്കുന്നതിനുള്ള അറിയിപ്പുകളും ഉണ്ടാകും. വിമാനത്തിൽ കയറാൻ കാത്തിരിക്കുന്ന സമയവും ഉൾപ്പെടുന്ന മുഴുവൻ യാത്രാ സമയത്തും യാത്രക്കാർ മാസ്ക് ധരിച്ചിരിക്കണം എന്നാണ് ചട്ടം.
അതിനാൽ, ആവർത്തിച്ച് അറിയിപ്പുകളും മുന്നറിയിപ്പുകളും നൽകിയിട്ടും നിയമങ്ങൾ പാലിക്കാത്ത യാത്രക്കാരും മാസ്ക് ധരിക്കാൻ വിസമ്മതിക്കുന്നവരുമുണ്ടെങ്കിൽ, യാത്രക്കാരനെ 'അച്ചടക്കമില്ലാത്ത യാത്രക്കാരന്' ആയി കണക്കാക്കാൻ ഡിജിസിഎ എയർലൈൻസിന് അധികാരം നൽകിയിട്ടുണ്ട്.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
