പശ്ചിമഘട്ടത്തിലെ കബനി
പശ്ചിമഘട്ടത്തില് നിന്നും ഉത്ഭവിച്ച് വയനാടിന്റെ ഉള്ളിന് തണുപ്പേകി പോകുന്ന കബനി കാവേരി നദിയുടെ കേരളത്തിലെ പ്രധാനപ്പെട്ട കൈവഴിയാണ്. മൂന്നു സംസ്ഥാനങ്ങളിലൂടെയാണ് കബനി നദി കടന്നു പോകുന്നത്.
PC:Gnissah
കിഴക്കോട്ടൊഴുകുന്ന നദി
കേരളത്തില് കിഴക്കോട്ടൊഴുകുന്ന നദികളില് പ്രധാനപ്പെട്ടതാണ് കബനി. വയനാട്ടില് നിന്നും കിഴക്കോട്ട് ഒഴുകിയാണ് കബനി കര്ണ്ണാടകത്തില് പ്രവേശിക്കുന്നത്.
PC:Shriya Palchaudhuri
മലിനമാക്കപ്പെടാത്ത നദി
ഏകദേശം 234 കിലോമീറ്റര് നീളമുള്ള വലിയ നദിയാണ് കബനി. എങ്കിലും മറ്റു നദികള് നേരിടുന്നയത്രയും മലിനീകരണം കബനിക്ക് ഇല്ല. ഇതിനു പ്രധാനകാരണം കബനി സംരക്ഷിത വനപ്രദേശത്തുകൂടെയാണ് ഒഴുകുന്നതെന്നാണ്.
PC:Vinodnellackal
കബനിയുടെ കൈഴികള് തീര്ത്ത കുറുവാദ്വീപ്
വയനാടിന്റെ ഏറ്റവും വലിയ ആകര്ഷണമാണ് ഇവിടുത്തെ കുറുവാദ്വീപ്. കബനിയുടെ കൈവഴികള് വഴി രൂപം കൊണ്ട ഈ ദ്വീപ് ജൈവവൈവിധ്യത്തിനും കാഴ്ചകള്ക്കും ഏറെ പേരുകേട്ടതാണ്.
PC:Anil R.V
ജനവാസം ഇല്ലാത്ത ദ്വീപ്
ഏകദേശം 150 ല്പരം ചെറുദ്വീപുകള് കൂടിച്ചേര്ന്നാണ് കുറുവാദ്വീപ് രൂപം കൊണ്ടിരിക്കുന്നത്. ദ്വീപുകള് ചുറ്റി ചങ്ങാടങ്ങളിലൂടെയുള്ള യാത്രയാണ് ഇവിടുത്തെ പ്രത്യേകത. മാത്രമല്ല കുറുവാ ദ്വീപ് എന്നത് ജനവാസം ഇല്ലാത്ത ഒരിടം കൂടിയാണ്.
PC:keralatourism
കബനിയുടെ തീരങ്ങള്
കേരളത്തില് മാത്രമല്ല, കര്ണ്ണാടകയിലും കബനിയുടെ തീരങ്ങള് ഏറെ പ്രസിദ്ധമാണ്. അവിടുത്തെ പ്രധാനപ്പെട്ട വന്യജീവി കേന്ദ്രങ്ങളായ ബന്ദിപ്പൂര് ദേശീയോദ്യാനവും നാഗര്ഹോള ദേശീയോദ്യാനവും കബനിയുടെ തീരത്തായാണ് സ്ഥിതി ചെയ്യുന്നത്.
PC:Abhinavsharmamr
കബനി റിസര്വ്വ് ഫോറസ്റ്റ്
കര്ണ്ണാടകയിലും കേരളത്തിലുമായി പരന്നു കിടക്കുന്ന കബനി റിസര്വ്വ് ഫോറസ്റ്റ് കബനി നദിയുടം വരദാനമാണെന്ന് പറയാം. ഇവിടുത്തെ പ്രകൃതി പരിസ്ഥിതി സന്തുലനം കാത്തുസൂക്ഷിക്കുന്നതില് പ്രധാന പങ്ക് വഹിക്കുന്നത് കബനി നദിയാണ്.
PC:Ashwin Kumar
സാഹസികതയുടെ അവസാന വാക്ക്
സാഹസികയ്ക്ക് പേരുകേട്ടതാണ് കബനിയിലെ നിബിഡ വനങ്ങള്. രാത്രികാലങ്ങളില് ഇവിടെ താമസ സൗകര്യം നല്കുന്ന ജംഗിള് ലോഡ്ജുകള് ഏറെ പ്രശസ്തമാണ്.
PC:Shoorveer5893
മൈസൂര് രാജാക്കന്മാരുടെ വേട്ടയാടല് കേന്ദ്രം
രാജഭരണത്തിന്റെ നാളുകളില് മൈസൂര് രാജാക്കന്മാര് വേട്ടയാടിയിരുന്നത് ഇവിടെ നിന്നാണെന്നാണ് ചരിത്രം പറയുന്നത്. അവരെ കൂടാതെ ബ്രിട്ടീഷുകാരും ഇവിടെ എത്തിയിരുന്നുവത്രെ.
PC:Shri Kishen Rajendran
കബനി അണക്കെട്ട്
ബീച്ചനഹള്ളിയില് 1974 ല് കബനി നദിക്ക് കുറുകെ പണിത അണക്കെട്ടാണ് കബനി അണക്കെട്ട്. ഇവിടുത്തെ മികച്ച കാഴ്ചകളില് ഒന്നുകൂടിയാണിത്.
PC:ashwin kumar
വന്യജീവികളെ കാണാന്
വന്യജീവികളെ കാണാന് പറ്റിയ മികച്ച
സ്ഥലങ്ങളിലൊന്നാണ് കബനി. നദിയുടെ തീരത്തായി രണ്ടു വന്യജീവി സങ്കേതങ്ങള് ഉള്ളതിനാല് എല്ലായ്പ്പോഴും ജീവികളുടെ സാന്നിധ്യം ഇവിടെ ഉണ്ടാകാറുണ്ട്.
PC:Yathin S Krishnappa
എത്തിച്ചേരാന്
വയനാട്ടില് നിന്നും കബനിയിലേയ്ക്ക് എത്തിച്ചേരാന് വളരെ എളുപ്പമാണ്. 27 കിലോമീറ്റര് ദൂരമേ നാഗര്ഹോള ദേശീയോദ്യാനത്തിലേക്ക് എത്താനുള്ളൂ. മൈസൂരില് നിന്ന് 80 കിലോമീറ്ററും ബെംഗളൂരില് നിന്ന് 205 കിലോമീറ്ററുമാണ് കബനിയിലേക്കുള്ള ദൂരം.
Click it and Unblock the Notifications
_Bamboo_._-_panoramio.jpg){kind=link}
.jpg){kind=link}
