Search
  • Follow NativePlanet
Share
» »ചരിത്രം ഉറങ്ങുന്ന ബരാബട്ടി കോട്ട

ചരിത്രം ഉറങ്ങുന്ന ബരാബട്ടി കോട്ട

Written By: Elizabath

കാലത്തിന്റെ ശേഷിപ്പുകള്‍ തിരഞ്ഞുചെല്ലുന്നവരെ കാത്ത് ഒരിടമുണ്ട്. കഴിഞ്ഞ കാലത്തിന്റെ പ്രതാപങ്ങളില്‍ മങ്ങലേല്‍ക്കാതെ, ഇന്നും പുതുമയോടെ നദീതീരത്ത് സഞ്ചാരികളെയും കാത്തിക്കുന്ന കോട്ട. ഒഡീഷയിലെ കട്ടക്കിനു സമീപം സ്ഥിതി ചെയ്യുന്ന ബരാബട്ടി കോട്ടയുടെ ആദ്യ കാഴ്ച മനസ്സിലെത്തിക്കുന്നത് കുറേ ശേഷിപ്പുകള്‍ തന്നെയാണ്.
പതിനാലാം നൂറ്റാണ്ടിന്റെ നിര്‍മ്മിതിയായ ബരാബട്ടി കോട്ടയെ കൂടുതല്‍ അറിയാം.

ബരാബട്ടി കോട്ട

ബരാബട്ടി കോട്ട

ഗംഗാ രാജവംശത്തിന്റെ ഭരണകാലത്താണ് കട്ടക്കിനു സമീപം ഈ കോട്ട സ്ഥാപിക്കുന്നത്. മഹാനദിയുടെ തീരത്തു സ്ഥിതി ചെയ്യുന്ന നഗരത്തെ വെള്ളപ്പൊക്കത്തില്‍ നിന്നും മറ്റുമായാണ് തുടക്കത്തില്‍ ഇവിടെ നിര്‍മ്മാണം ആരംഭിച്ചത്. പിന്നീട് ഭരണത്തില്‍ വന്ന നിരവധി രാജവംശങ്ങള്‍ കൂടുതല്‍ നിര്‍മ്മാണങ്ങള്‍ നടത്തുകയുണ്ടായി. പതിനാലാം നൂറ്റാണ്ടോടുകൂടിയാണ് ഇന്നു കാണുന്ന കോട്ട നിലവില്‍ വന്നത്.

PC:Daniel Limma

മഹാനദിയുടെ സാന്നിധ്യം

മഹാനദിയുടെ സാന്നിധ്യം

ഒഡീഷയിലെ പ്രധാനപ്പെട്ട നദികളിലൊന്നായ മഹാനദിയുടെ കരയിലാണ് കോട്ട സ്ഥിതി ചെയ്യുന്നത്.അതിനാല്‍ത്തനെന കോട്ടയില്‍ നിന്നും കട്ടക്കിന്റെയും മഹാനദിയുടേയും മനോഹര ദൃശ്യങ്ങള്‍ കാണാന്‍ സാധിക്കും.

PC:Sujit kumar

പഴമയും പുതുമയും സമ്മേളിക്കുന്നിടം

പഴമയും പുതുമയും സമ്മേളിക്കുന്നിടം

പഴമയുടെയും പുതുമയുടെയും അപൂര്‍വ്വമായ ഒരു കൂടിച്ചേരലാണ് ബരാബട്ടി കോട്ട. ഒരു വശത്ത് മഹാനഗരത്തിന്റെ അത്ഭുതങ്ങളുമായി കട്ടക് നഗരവും ഇവിടെ പൗരാണികതയുടെ തലയെടുപ്പുമായി ബരാബട്ടി കോട്ടയും നില്‍ക്കുന്നത് ആരെയും ആകര്‍ഷിക്കുന്നതാണ്.

PC: Bikashrd

102 ഏക്കറിലെ വിസ്മയം

102 ഏക്കറിലെ വിസ്മയം

102 ഏക്കറില്‍ സ്ഥിതി ചെയ്യുന്ന ബരാബട്ടി കോട്ട വാസ്തുവിദ്യയുടെ മികച്ച ഒരു മാതൃകയാണ്. ഒരേസമയം കോട്ടയുടെ എല്ലാ ഉത്തരവാദിത്വങ്ങളും നിറവേറ്റുമ്പോഴും മനോഹരമായ ഒരു നിര്‍മ്മിതി കൂടിയാണിത്. കൊത്തുപണികള്‍ നിറഞ്ഞ പ്രവേശന കവാടം മുതല്‍ കോട്ടയുടെ പ്രത്യേകതകള്‍ തുടങ്ങുകയാണ്. മണ്ണൂകൊണ്ടു നിര്‍മ്മിച്ച ഒന്‍പതു നിലയുള്ള ഒരു കെട്ടിടത്തിന്റെ അവശിഷ്ടങ്ങളും കോട്ടയ്ക്കുള്ളിലുണ്ട്.

PC:Daniel Limma

ഒന്‍പത് നിലയുള്ള അത്ഭുതം

ഒന്‍പത് നിലയുള്ള അത്ഭുതം

ഏറെയും തകര്‍ന്നടിഞ്ഞുവെങ്കിലും കുറേയേറെ അവശിഷ്ടങ്ങള്‍ ഇവിടെ കാണാം. ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യയുടെ പഠനത്തിലാണ് ഇത് 102 ഏക്കറോളം സ്ഥലത്ത് ദീര്‍ഘചതുരത്തില്‍ ഉണ്ടായിരുന്ന കോട്ടയാണെന്ന് കണ്ടെത്തുന്നത്.

PC:Daniel Limma

തകര്‍ന്നടിഞ്ഞ പൗരാണികത

തകര്‍ന്നടിഞ്ഞ പൗരാണികത

കാലത്തിന്റെ പോക്കില്‍ കോട്ടയുടെ നിരവധി ഭാഗങ്ങള്‍ തകര്‍ന്നു. ഇപ്പോഴും ഒന്നുമേല്‍ക്കാതെ നില്‍ക്കുന്നത് ഇതിന്റെ പ്രവേശന കവാടം മാത്രമാണ്.

PC:Bikashrd

ബരാബട്ടി സ്‌റ്റേഡിയം

ബരാബട്ടി സ്‌റ്റേഡിയം

ഒഡീഷ ക്രിക്കറ്റ് ടീമിന്റെ ഹോം ഗ്രൗണ്ടായ ബരാബട്ടി സ്‌റ്റേഡിയം കോട്ടയ്ക്കു സമീപമായാണ് സ്ഥിതി ചെയ്യുന്നത്. ഇന്ത്യയിലെ ഏറ്റവും പഴയ സ്റ്റേഡിയങ്ങളിലൊന്നാണിത്.

PC:Kamalakanta777

എത്തിച്ചേരാന്‍

എത്തിച്ചേരാന്‍

ഒഡീഷയിലെകട്ടക്കില്‍ നിന്നും എട്ടു കിലോമീറ്റര്‍ അകലെയാണ് ബരാബട്ടി കോട്ട സ്ഥിതി ചെയ്യുന്നത്.

Read more about: forts odisha monuments

മികച്ച ട്രാവല്‍ ഡീലുകളും ടിപ്‌സുകളും യാത്രാ വിവരണങ്ങളും അറിയാം...

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more