Search
  • Follow NativePlanet
Share
» »തണുത്തുറഞ്ഞ നദിയിലൂടെ ജീവൻ പണയംവെച്ചൊരു യാത്ര

തണുത്തുറഞ്ഞ നദിയിലൂടെ ജീവൻ പണയംവെച്ചൊരു യാത്ര

തണുത്ത് തണുത്ത് തണുത്തുറഞ്ഞ് കിടക്കുന്ന നദിയിലൂടെ ഒരു നടത്തം... വെറും നടത്തമല്ല...ഐസുകൊണ്ട് സ്ഫടികം പോലെ കട്ടിയായി ഉറച്ച് കിടക്കുന്ന നദിയിലെ ഐസ് കട്ടകൾക്കു മുകളിലൂടെയുള്ള നടത്തം... ഒഴുകുവാനാവാതെ കട്ടിയായി കിടക്കുന്നിടത്തുകൂടി ആസ്വദിച്ച് നടന്നു തീർക്കുന്ന ട്രക്കിങ്ങ്. എങ്ങനെ ഒരു റോഡിലൂടെ നടക്കുന്നുവോ അതുപോലെ ഒരു നദിയിലൂടെ നടക്കാം. മഞ്ഞു പെയ്യുന്ന ഹിമാലയവും മണാലിയിലെ കാഴ്ചകളും ഒന്നുമല്ല ഹിമാലയം നമുക്കായി ഒരുക്കിയിരിക്കുന്ന കാഴ്ച എന്ന് തിരിച്ചറിയുന്ന അപൂർവ്വ നിമിഷങ്ങളിലൊന്നാണ് ചാദർ ട്രക്കിങ് സമ്മാനിക്കുന്നത്. ശ്വാസമടക്കിപ്പിടിച്ചു മാത്രം ഒരാഴ്ച നീളുന്ന യാത്രയിൽ ചുറ്റിലും മഞ്ഞു മൂടിക്കിടക്കുയാണെങ്കിലും അതിൽ പ്രകൃതിയൊരുക്കുന്ന മായാജാലങ്ങൾ അനുഭവിക്കാം. ചാദർ ട്രക്ക് എന്ന തണുത്തുറഞ്ഞ നദിയിലൂടെയുള്ള യാത്രയുടെ വിശേഷങ്ങൾ വായിക്കാം...

തണുത്തുറഞ്ഞ നദിയിലൂടെ

തണുത്തുറഞ്ഞ നദിയിലൂടെ

ഹിമാലയത്തിലെ ട്രക്കിങ്ങുകളിൽ ഏറ്റവും സാഹസികവും പേടിപ്പെടുത്തുന്നതുമായ യാത്രകളിലൊന്നെന്ന വിശേഷണമാണ് ചാദർ ട്രക്കിങ്ങിനുള്ളത്. തണുത്തുറഞ്ഞു കിടക്കുന്ന നദിയിലൂടെ, ഒരു റോഡിലെന്ന പോലെ, നടന്ന് മുന്നോട്ട് നീങ്ങുന്ന യാത്ര. കിലോക്കണക്കിന് തൂക്കമുള്ള ബാക്ക് പാക്കും തണുപ്പിൽ നിന്നും രക്ഷപെടുവാൻ പൊതിഞ്ഞു കെട്ടിയ ശരീരത്തെ താങ്ങുന്ന ട്രക്കിങ്ങ് പോളും കൊണ്ട് വഴുതിപ്പോകുന്ന മഞ്ഞിനു മുകളിലൂടെയുള്ള ഒരാഴ്ച നീളുന്ന നടത്തം... അങ്ങോട്ടോയ്ക്കുള്ള നാലു ദിവസവും തിരിച്ചുള്ള മൂന്നു ദിവസവും കൂടി ഒരാഴ്ച ഒരാഴ്ചെയടുക്കുന്ന ഈ യാത്ര ഒരു ജീവിതത്തിലെ ഏറ്റവും വലിയ അനുഭവങ്ങളിലൊന്നായിരിക്കും. ചില പാക്കേജുകളില് യാത്ര ഒൻപ്ത ദിവസം വരെ നീളാറുണ്ട്. ചാദാർ എന്നാൽ പുതപ്പ് അല്ലെങ്കിൽ ആവരണം എന്നാണ് അർഥം. തണുപ്പിൽ ഉറഞ്ഞു കിടക്കുന്ന നദിയിലെ മഞ്ഞുപാളികളാണ് ഇവിടുത്തെ പുതപ്പ്.

ലഡാക്കിലെ വിന്‍റർ ട്രക്കിങ്ങുകളിൽ ഏറ്റവും പ്രശസ്തമായ ഇത് മഞ്ഞു കാലത്ത് തണുത്തുറഞ്ഞ് ഐസ് പാളിയായി കിടക്കുന്ന സൻസ്കാർ നദിയിലൂടെയുള്ള നടത്തമാണ്. തണുപ്പു കാലത്ത് ഇവിടുത്തെ മറ്റു വഴികളെല്ലാം മഞ്ഞ് വീട് അടയുവന്നതിനാൽ ഇവിടുത്തെ പ്രദേശവാസികൾ തണുത്തുറഞ്ഞു കിടക്കുന്ന നദിയിലൂടെയാണ് യാത്ര ചെയ്തിരുന്നത്. ഇതാണ് ചാദാർ ട്രക്കിങ്ങായത്. പൂജ്യം ഡിഗ്രിയിൽ തുടങ്ങി മൈനസ് 25 വരെ എത്തിനിൽക്കുന്ന താപനിലയായിരിക്കും യാത്രയിലുടയീളം കൂടെയുണ്ടാവുക. ചില്ലിങ്ങ് മുതൽ നെരാങ് വരെയുള്ള യാത്രയാണ് ചാദർ ട്രക്ക് എന്നറിയപ്പെടുന്നത്.

PC:Bodhisattwa

ചില്ലിംഗിൽ നിന്നും

ചില്ലിംഗിൽ നിന്നും

കഠിനമായ തണുപ്പുള്ള ജനുവരി മുതല്‍ ഫെബ്രുവരി വരെയും ചില സമയങ്ങളിൽ മാർച്ച് ആദ്യ ആഴ്ച വരെയും ചാർദാർ ട്രക്കിങ്ങ് നടത്താം. ലേയിൽ നിന്നും 60 കിലോമീറ്റർ അകലെയുള്ള ചില്ലിംഗ് എന്ന സ്ഥലമാണ് ചാദാർ ട്രക്കിങ്ങിന്‍റെ ബേസ് പോയിന്റ്. ഇവിടെ നിന്നുമാണ് യാത്ര ആരംഭിക്കുന്നത്. ഏകദേശം മൂന്നര മണിക്കൂർ നേരത്തെ വാഹന യാത്ര എത്തി നിൽക്കുക സംസ്കാർ നദിയുടെ മുന്നിലാണ്. ഇതി ഒരാഴ്ചത്തെ യാത്ര ഇതുവഴിയാണ്. വെള്ളത്തിന്റെ സാന്നിധ്യമില്ലാതെ, തണുത്തുറഞ്ഞു കട്ടിയായി കിടക്കുന്ന നദിയിലൂടെയുളള യാത്ര. യാത്ര തുടങ്ങുമ്പോൾ മഞ്ഞുപാളിയിലൂടെയുള്ള നടത്തം പെട്ടന്നു ശരിയായി എന്നു വരില്ല. ഗൈഡിന്‍റെ നിർദ്ദേശങ്ങളനുസരിച്ച്, ഓരോ കാലും പതിയെ പതിയെ മുന്നോട്ട് വെച്ച് വേണം ബാലൻസിലെത്തുവാൻ. നടക്കുന്നതിന്‍റെ ട്രിക്ക് ഒരിക്കല്‌ പിടികിട്ടിയാൽ പിന്നെ വലിയ കടമ്പകളിലൊന്ന് കടന്നുവെന്ന് പറയാം. നിരപ്പായ തെന്നി നീങ്ങുന്ന പ്രതലത്തിലൂടെ അത്രയെലുപ്പമായിരിക്കില്ല മുന്നോട്ട് നീങ്ങുന്നത്.

PC:Sumita Roy Dutta

മൈനസ് 30 ഡിഗ്രി വരെ

മൈനസ് 30 ഡിഗ്രി വരെ

ഒരാഴ്ച നീളുന്ന യാത്രയിൽ തണുപ്പ് മൈനസ് 17 ഡിഗ്രിയിൽ തുടങ്ങ രാത്രിയിൽ മൈനസ് 30 വരെ എത്താറുണ്ട്. നാലു ദിവസം അങ്ങോട്ടേയ്ക്കും തിരിച്ച് വരുവാൻ മൂന്നു ദിവസവുമടക്കം ഒരാഴ്ചയാണ് ഈ യാത്രയ്ക്കു വേണ്ടത്. രാത്രിയിൽ വഴിയിൽ കുന്നിന്‍റെ താഴ്വരയിൽ ഒക്കെ മുൻകൂട്ടി തയ്യാറാക്കിയ ടെന്‍റുകളിൽ താമസം. റ്റിലത് സുംഡോ, ഷിംഗ്ര കോമ, റ്റിബ്ബ്, നെരാക് എന്നിവയാണ് യാത്രയിലെ ഇടത്താവളങ്ങൾ.

PC:Sumita Roy Dutta

യാത്രയിൽ

യാത്രയിൽ

റിസ്ക് എന്നാൽ എന്താണ് എന്നു മാത്രമല്ല, ഒരു യാത്രുടെ ഏറ്റവും വലിയ സുഖങ്ങളും പകർന്നു തരുന്ന ഒന്നായിരിക്കും സൻസ്കാർ വാലിയയിലെ ചാദർ ട്രക്ക്.

തണുത്തുറഞ്ഞ നദിയിലൂടെയുള്ള യാത്രയും മഞ്ഞിൽ തെന്നിയുള്ള നടത്തവും തീരെ നടക്കുവാൻ പറ്റാത്ത സമയങ്ങളിൽ കരയിൽ കയറിയുള്ള നടത്തവും സ്ഫടികം പോലുള്ള നദിയിലെ കാഴ്ചകളും മാത്രമല്ല ഇതിനുണ്ടാവുക. കൂര്‍ത്തു കിടക്കുന്ന കല്ലുകളിൽ ചവിട്ടിയും പാറകളിൽ വലിഞ്ഞു കയറിയും രാത്രിയിലെ അതിശൈത്യത്തെ അതിജീവിച്ചും എപ്പോള്‌ വേണമെങ്കിലും മുന്നറിയിപ്പില്ലാതെ നദി ഒഴുകിയലച്ച് വരുമെന്ന ഭീതിയിൽ, ചവിട്ടുന്ന മഞ്ഞ് അടർന്നു പോകുമോ എന്ന ഭയത്തിൽ, താങ്ങാൻ കഴിയാത്ത തണുപ്പിൽ മരിച്ചു പോകുമോ എന്ന ഭീതിയൊക്കെ പലപ്പോളും മനസ്സിൽ കടന്നു വരുമെങ്കിലും അതിലൊന്നു പോലും ഒരിക്കലും അലട്ടില്ല എന്നാണ് അനുഭവസ്ഥർ പറയുന്നത്. പ്രകൃതി ഒരുക്കിയിരിക്കുന്ന ഇത്രയും വലിയ അത്ഭുതം കൺമുന്നിൽ നിൽക്കുമ്പോൾ സന്തോഷത്തിനും വിസ്മയത്തിനും കുറഞ്ഞ ഒരു അനുഭവത്തിനും ഇവിടെ സ്ഥാനമില്ലത്രെ.

PC:Goutam1962

ശ്രദ്ധിക്കുവാൻ

ശ്രദ്ധിക്കുവാൻ

ഇന്ത്യയിലെ ശ്രദ്ധേയമായ പട ട്രക്കിങ്ങുകളും നടത്തുന്ന യൂത്ത് ഹോസ്റ്റൽ അസോസിയേൽൻ ഓഫ് ഇന്ത്യ ചാഗാർ ട്രക്കിങ്ങുകൾ നടത്തുന്നില്ല. സ്വകാര്യ ഏജൻസികളാണ് ഈ ട്രക്കിങ്ങിന് മുന്‍കൈ എടുക്കുന്നത്. അതുകൊണ്ടു തന്നെ ചിലവ് കൂടുതലായിരിക്കും. ഡെൽഹിയിൽ നിന്നും ഫ്ലൈറ്റ് മാർഗ്ഗം ലേയിലെത്തണം. അവിടെ നിന്നാണ് യാത്രയുടെ തുടക്കം. ജനുവരി മുതലാണ് ചാദാർ ട്രക്കിങ്ങ് ആരംഭിക്കുക. മുൻകൂട്ടി ഫ്ലൈറ്റ് ബുക്ക് ചെയ്താൽ കുറഞ്ഞ ചിലവിൽ ടിക്കറ്റ് ഉറപ്പിക്കാം. ആരോഗ്യ കടമ്പകൾ കുറേയേറെ കടന്നാൽ മാത്രമേ പോകുവാൻ സാധിക്കൂ. മാത്രമല്ല, കഠിനമായ തണുപ്പിനെ പ്രതിരോധിക്കുവാൻ ആവശ്യമായ ആരോഗ്യവും വസ്ത്രങ്ങളും ഉണ്ടായിരിക്കണം. തെർമലൽ ജാക്കറ്റുകളും ഫെദർ ജാക്കറ്റുകളും നല്ല ക്വാളിറ്റി ഉള്ളതായിരിക്കണം.

ഗൈഡ് പറയുന്നതനുസരിച്ച് മാത്രം മുന്നോട്ടു നീങ്ങുക. ഒരിക്കലും മുൻകൂട്ടി പ്രവചിക്കുവാൻ കഴിയാത്ത അന്തരീക്ഷമാണ് ഇവിടുത്തേത്. മെഡികക്ൽ ടെസ്റ്റിൽ വിജയിച്ചാൽ മാത്രമേ പോകുവാൻ സാധിക്കൂ. ഇതോടൊപ്പം മെഡിക്കൽ ഇൻഷുറൻസും നിർബന്ധമാക്കിയിട്ടുണ്ട്. യാത്രയ്ക്കിടയിൽ ഗൈഡിന്റെ നിർദ്ദേശമില്ലാതെ നദിയിൽ ഇറങ്ങാതിരിക്കുവാൻ ശ്രദ്ധിക്കുക.

PC:Goutam1962

ചാദർ ട്രക്കിങ്ങ് സമയം

ചാദർ ട്രക്കിങ്ങ് സമയം

എല്ലാ വര്‍ഷവും ജനുവരി മുതൽ ഫെബ്രുവരി വരെയുള്ള സമയമാണ് ചാദാർ ട്രക്കിങ്ങിന്‍റേത്. കാലാവസ്ഥ അനുസരിച്ച് മാർച്ച് ആദ്യ വാരവും ചിലപ്പോൾ ട്രക്കിങ്ങ് നടക്കാറുണ്ട്. സെപ്റ്റംബർ മുതൽ ടിക്കറ്റ് ബുക്കിങ്ങ് ആരംഭിക്കും.

ഹിമാലയക്കാഴ്ചകൾ ആറു ദിവസം കൊണ്ട് കാണാം... ഒപ്പം ഒരു കിടിലൻ ട്രക്കിങ്ങും

ലഡാക്കിലേക്കാണോ?? എങ്കിൽ ഇതൊന്ന് വായിക്കാം!!

ഹർ കി ഡൂൺ എന്ന കല്ലും മുള്ളും നിറഞ്ഞ ഇടുങ്ങിയ സ്വര്‍ഗ്ഗത്തിലേക്കുള്ള യാത്ര

PC:Sumita Roy Dutta

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more