Click it and Unblock the Notifications
നല്ലൊരു യാത്ര പ്ലാന് ചെയ്ത് പോയിട്ട് അവിടെ എത്തിപ്പോള് തിരക്കുകൊണ്ട് നട്ടംതിരിഞ്ഞ അവസ്ഥ ഉണ്ടായിട്ടില്ലാത്തവര് ചുരുക്കമായിരിക്കും. എല്ലാവരും അവധിക്കാലവും ഒഴിവു ദിനങ്ങളും ചിലവഴിക്കാന് പ്രശസ്തമായ സ്ഥലങ്ങള് തിരഞ്ഞെടുക്കുമ്പോള് നമുക്കൊന്ന് മാറ്റിപ്പിടിച്ചാലോ?
മലയാളിയുടെ നൊസ്റ്റാള്ജിയ ഉറങ്ങുന്ന ഊട്ടിക്കു പകരം അതിനേക്കാള് മികച്ച ഒരു സ്ഥലം സന്ദര്ശിക്കുന്നത് ആലോചിച്ചു നോക്കൂ. ഊട്ടിയെ കടത്തിവെട്ടുന്ന തരത്തില് ഭംഗിയുള്ള, തിരക്കു കുറഞ്ഞ, ശാന്തമായ കൂനൂരിനെ അറിയാം..
ഊട്ടിക്കു പകരം കൂനൂര്
ഊട്ടിയില് നിന്നും 20 കിലോമീറ്റര് അകലെയുള്ള കൂനൂര് തേയിലത്തോട്ടങ്ങള്കൊണ്ടും ഹെറിറ്റേജ് ഹോട്ടലുകള്കൊണ്ടുമൊക്കെ പ്രശസ്തമാണ്. ഒട്ടേറെ വ്യൂ പോയന്റുകളും മനോഹരമായ സ്ഥലങ്ങളുമുള്ള കൂനൂര് ഊട്ടിക്കു പരകം വയ്ക്കാന് പറ്റിയ സ്ഥലം തന്നെയാണ്.
തമിഴ്നാട്ടില് ഉറപ്പായും സന്ദര്ശിക്കേണ്ട സ്ഥലം
നീലഗിരി ചായയുടെ പിന്നിലെ സ്ഥലം
PC: Thangaraj Kumaravel
ട്രക്കിങ്ങിന്റെ ബേസ് പോയിന്റ്
കൂനൂരില് എന്തുണ്ട് കാണാന്??
കൂനൂരില് കാണാന് ഒരുപാടുണ്ട് എന്ന് പറഞ്ഞത് വെറുതെയല്ല. ദിവസങ്ങളോളം നടന്ന് കാണാനുള്ള കാഴ്ചകള് ഇവിടെയുണ്ട്.
സിംസ് പാര്ക്ക്
നൂറോളം വര്ഷങ്ങള്ക്കു മുന്പ് സ്ഥാപിക്കപ്പെട്ട ബൊട്ടാണിക്കല് ഗാര്ഡനോടു കൂടിയ ഈ പാര്ക്കില് ആയിരത്തോളം വ്യത്യസ്തമായതും അപൂര്വ്വമായതുമായ സസ്യങ്ങളുടെ ശേഖരമുണ്ട്. ജപ്പാനീസ് രീതിയില് വികസിപ്പിച്ചെടുത്ത ഈ പാര്ക്കിന്റെ പ്രധാന ആകര്ഷണം എല്ലാ വര്ഷവും മേയ് മാസത്തിലുള്ള ഫ്രൂട്ട് ആന്ഡ് വെജിറ്റബിള് ഷോയാണ്.
ഡോള്ഫിന്സ് നോസ്
മലയുടെ അറ്റത്തിന് ഒരു ഡോള്ഫിന്റെ മൂക്കുമായിട്ടുള്ള സാദൃശ്യമാണ് ഈ പേരു വരാന് കാരണം. വ്യത്യസ്തമായ ഒരു രൂപമാണ് ഈ പാറയ്ക്കുള്ളത്.
നീലഗിരി കുന്നുകളുടെയും കാതറിന് വെള്ളച്ചാട്ടത്തിന്റെയും മനോഹരമായ അകലക്കാഴ്ചകളാണ ഇവിടെനിന്നും ലഭിക്കുന്നത്.
കൂടാതെ ലേഡി കാനിംങ്സ് സീറ്റ് എന്ന സ്ഥലത്തു നിന്നും ഇവിടേക്ക് ട്രക്കിങ് നടത്താറുണ്ട്. കൂനൂരില് നിന്നും 9 കിലോമീറ്റര് അകലെയുള്ള ലേഡി കാനിംങ്സ് സീറ്റ് ഇവിടുത്തെ പ്രശസ്തമായ ടൂറിസ്റ്റ് കേന്ദ്രങ്ങളില് ഒന്നാണ്.
കാതറിന് വെള്ളച്ചാട്ടം
