കന്യാകുമാരിയും തഞ്ചാവൂരുമല്ല...തമിഴ്നാട്ടിൽ കാണേണ്ട ഇടങ്ങൾ ഇതാണ്

ഇന്ത്യയിൽ ഏറ്റവും അധികം സഞ്ചാരികൾ തിരഞ്ഞെത്തുന്ന ഇടങ്ങളിലൊന്നാണ് തമിഴ്നാട്. വ്യത്യസ്തമായ രുചികൾ മുതൽ ക്ഷേത്രങ്ങളും ആചാരങ്ങളും കൊട്ടാരങ്ങളും മലകളും ഒക്കെയായി കരങ്ങി നടന്നു കണ്ടു തീർക്കേണ്ട കാര്യങ്ങൾ ഒരുപാടുണ്ട് ഇവിടെ. തമിഴ്നാട്ടിലെ കാഴ്ചകളിൽ ഒഴിവാക്കുവാൻ പറ്റാത്തതാണ് ഇവിടുത്തെ ക്ഷേത്രങ്ങൾ. ക്ഷേത്രത്തിന്റെ ചുറ്റിലും രൂപപ്പെട്ട നഗരങ്ങൾ തമിഴ് മണ്ണിന്റെ പ്രത്യേകതയാണ്. തമിഴ്നാട്ടിലേക്ക് ഒരു യാത്ര പ്ലാൻ ചെയ്യുമ്പോൾ തീർച്ചയായും സന്ദർശിച്ചിരിക്കേണ്ട, ഇവിടുത്തെ അതിശയിപ്പിക്കുന്ന സ്ഥലങ്ങൾ പരിചയപ്പെടാം... കന്യാകുമാരിയും തഞ്ചാവൂരുമല്ല...തമിഴ്നാട്ടിൽ കാണേണ്ട ഇടങ്ങൾ ഇതാണ് അണ്ണാ ഫ്ലൈ ഓവർ ചെന്നൈയിൽ ഒഴിവാക്കാനാവാത്ത കാഴ്ചകൾ പലതുണ്ടെങ്കിലും അതിൻ നിന്നെല്ലാം വ്യത്യസ്തമാണ് ഇവിടുത്തെ അണ്ണാ ഫ്ലൈ ഓവർ. ഇന്ത്യയിലെ തന്നെ മികച്ച നിലവാരത്തിൽ നിർമ്മിക്കപ്പെട്ടിരിക്കുന്ന അണ്ണാ ഫ്ലൈ ഓവർ നിർമ്മിച്ച കാലഘട്ടത്തിൽ രാജ്യത്തെ ഏറ്റവും നീളമേറിയ ഫ്ലൈ ഓവറുകളിൽ ഒന്നായിരുന്നു. 1973 ലാണ് ഇത് നിർമ്മിക്കുന്നത്. പണ്ടു കാലത്തെ ജമിനി സ്റ്റുഡിയോയ്ക്ക് സമീപം സ്ഥതിി ചെയ്തിരുന്തിനാൽ ഇത് ജെമിനി ഫ്ലൈ ഓവർ എന്നും അറിയപ്പെടുന്നു. കന്യാകുമാരിയും തഞ്ചാവൂരുമല്ല...തമിഴ്നാട്ടിൽ കാണേണ്ട ഇടങ്ങൾ ഇതാണ് മഹാബലിപുരം പുരാതന കാലത്തെ തുറമുഖ നഗരങ്ങളിലൊന്നായി ചരിത്രത്തിൽ അറിയപ്പെടുന്ന മഹാബലിപുരം ചരിത്രക്കാഴ്ചകൾ കൊണ്ട് ലമ്പന്നമായ നാടാണ്. യുനസ്കോയുടെ ലോക പൈതൃക സ്മാരകങ്ങളുടെ പട്ടികയിൽ ഇടം നേടിയിരിക്കുന്ന ഇവിടെ മനോഹരമായ കാഴ്ചകൾ ഒരുപാടുണ്ട്. ബംഗാൾ ഉൾക്കടലിലേക്കിറങ്ങി സ്ഥിതി ചെയ്യുന്ന ഷോർ ടെമ്പിൾ, ക്ഷേത്രത്തിന്റെ രഥങ്ങളെ പോലെ ഭീമൻ കല്ലുകളിൽ നിന്ന് നിർമ്മിച്ചിരിക്കുന്ന അഞ്ചു രഥങ്ങൾ, മഹാബലിപുരത്തെ കുന്നിൻ ചെരുവുകളിലെ ഗുഹകൾ, ഇന്ദ്രത്തിന്റെ കോപത്തിൽ നിന്ന് തന്റെ ജനത്തെ സംരക്ഷിക്കാനായി ഗോവർദ്ധ പർവതം ഉയർത്തി നിൽക്കുന്ന കൃഷ്ണന്റെ കഥ വിവരിക്കുന്ന കൃഷ്ണ മണ്ഡപം, തുടങ്ങിയവയാണ് ഇവിടുത്തെ പ്രധാന കാഴ്ചകൾ.