Search
  • Follow NativePlanet
Share
» »സമ്പത്തിന്‍റെ ദേവനായ കുബേരൻ.. കാലിയാകാത്തത്രയും ധനം! പ്രാർത്ഥിച്ചാൽ കുചേലനെയും കുബേരനാക്കുന്ന വിശ്വാസങ്ങൾ

സമ്പത്തിന്‍റെ ദേവനായ കുബേരൻ.. കാലിയാകാത്തത്രയും ധനം! പ്രാർത്ഥിച്ചാൽ കുചേലനെയും കുബേരനാക്കുന്ന വിശ്വാസങ്ങൾ

ഹൈന്ദവ വിശ്വാസം അനുസരിച്ച് സമ്പത്തിൻറെ ദൈവമാണ് കുബേരൻ. ധനത്തിന്‍റെയും സമ്പത്തിന്‍റെയും മൂര്‍ത്തിയായ കുബേരനെ ആരാധിച്ചാൽ സമ്പത്തും സൗഭാഗ്യവും ആവോളം ലഭിക്കുമെന്നാണ് വിശ്വസിക്കപ്പെടുന്നത്. വാസ്തുശാസ്ത്രമനുസരിച്ച് വടക്കിന്‍റെ അധിപനായ കുബേരന് അദ്ദേഹത്തിന്‍റെ കൈവശം ഒരു കുടത്തിൽ എല്ലായ്പ്പോഴും സ്വര്‍ണ്ണവും രത്നവുമെല്ലാം സൂക്ഷിക്കുമത്രെ. എന്തുതന്നെയായാലും ഭാരതത്തിൽ കുബേരനെ ആരാധിക്കുന്ന അപൂർവ്വം ചില ക്ഷേത്രങ്ങളുണ്ട്. കുബേരനു മാത്രമായുള്ള ക്ഷേത്രങ്ങളല്ലെങ്കിൽകൂടിയും കുബേര പ്രതിഷ്ഠയുള്ള ക്ഷേത്രങ്ങളാണിവ. ഇന്ത്യയിലെ പ്രസിദ്ധമായ കുബേര ക്ഷേത്രങ്ങളെക്കുറിച്ചും അവിടെ പ്രാർത്ഥിക്കുന്നതിന്‍റെ പ്രാധാന്യത്തെക്കുറിച്ചും വായിക്കാം

ആരാണ് കുബേരൻ

ആരാണ് കുബേരൻ

വാസ്തുശാസ്ത്രമനുസരിച്ച് വടക്കിന്‍റെ അധിപനായ കുബേരനെന്നു പറയുമ്പോഴും ലങ്കാധിപതിയായ രാവണന്റെ സഹോദരൻ എന്ന നിലയിലാണ് പുരാണങ്ങളിൽ നമ്മൾ കുബേരനെ പരിചയപ്പെട്ടിരിക്കുന്നത്. വിശ്വാസങ്ങൾ പറയുന്നതനുസരിച്ച് പ്രസിദ്ധനായ പുലസ്ത്യമഹര്‍ഷിയുടെ പുത്രന്‍ വിശ്രവസ്സിനും ഭരദ്വാജമഹര്‍ഷിയുടെ മകള്‍ക്കും ജനിച്ച മകനാണ് കുബേരന്‍.വിശ്രവസ്സിന്‍റെ മകനായിനാൽ വൈശ്രവണൻ എന്നും കുബേരൻ അറിയപ്പെടുന്നു. ലങ്കാനഗരം ഉൾപ്പെടെയുള്ള അനുഗ്രഹങ്ങൾ ബ്രഹ്മാവ് വഴിയാണ് കുബേരന് ലഭിച്ചതത്രെ. ലങ്കാനഗരവും പുഷ്പക വിമാനവും സ്വന്തമായുണ്ടായിരുന്ന കുബേരനോട് സഹോദരങ്ങളായ രാവണനും കുംഭകര്‍ണ്ണനും അസൂയതോന്നുകയും കലഹിക്കുകയും ചെയ്യുമായിരുന്നുവത്രെ. ഒടുവിൽ പിതാവിന്‍റെ നിർദ്ദേശമനുസരിച്ച് തന്‍റെ സമ്പത്ത് മുഴുവനും സഹോദരങ്ങൾക്ക് നല്കി അദ്ദേഹം പോവുകയും ചെയ്തുവത്രെ.

കുബേരന്‍ ധനത്തിന്‍റെ ദേവനാകുന്നതെങ്ങനെ?

കുബേരന്‍ ധനത്തിന്‍റെ ദേവനാകുന്നതെങ്ങനെ?

എല്ലാം സഹോദരങ്ങള്‍ക്ക് നല്കിയ ശേഷം കുബേരൻ നേരെ പോയത് സരസ്വതി നദി തീരത്തേയ്ക്കാണ്. അവിടെ പോയി തന്‍റെ നഷ്ടപ്പെട്ട സ്വത്തും പ്രതാപവും തിരികെ ലഭിക്കുന്നതിനായി അദ്ദേഹം സരസ്വതി നദിയുടെ തീരത്ത് ഒരു മഹായാഗം നടത്തി. അദ്ദേഹത്തിന്റെ യാഗത്തിൽ പ്രസാദിച്ച ശിവൻ കുബേരനു മുന്നിൽ പ്രത്യക്ഷപ്പെടുകയും കൈലാസത്തിനടുത്ത് അളകാപുരി എന്ന നഗരം കുബേരനായി നിർമ്മിച്ച് നല്കുകയും ചെയ്തു. ധനത്തിന്‍റെ അധിപനായി കുബേരനെ വാഴിച്ചതും യക്ഷരാജാവായി കുബേരനെ ഉയർത്തിയും ശിവനാണെന്നാണ് വിശ്വാസം.

കാലിയാകാത്ത കുടം

കാലിയാകാത്ത കുടം

ത്രയംബകൻ എന്നും കുബേരൻ അറിയപ്പെടുന്നുണ്ട്. കുബേരന്‍റെ ഇടതു കയ്യിൽ ഒരു കുടം ഉണ്ടെന്നും അതിൽ സ്വര്‍ണ്ണം, രത്‌നം, ധനം എന്നിവ അദ്ദേഹം സൂക്ഷിക്കുന്നുണ്ടെന്നുമാണ് വിശ്വാസം. ഈ കുടം ഒരിക്കലും കാലിയാകില്ലത്രെ. ഭൂമിയിലെ മുഴുവന്‍ സ്വര്‍ണ്ണത്തിന്റെയും സംരക്ഷകൻ കൂടിയാണത്രെ കുബേരൻ. ഏറ്റവും സമ്പന്നനായ ദൈവമാണ് കുബേരനെന്നാണ് മറ്റൊരു വിശ്വാസം.

 കുബേര ക്ഷേത്രങ്ങൾ

കുബേര ക്ഷേത്രങ്ങൾ

കുബേരനു മാത്രമായി സമർപ്പിക്കപ്പെട്ടിരിക്കുന്ന ക്ഷേത്രങ്ങൾ അത്യപൂര്‍വ്വമാണ്. സാധാരണയായി ഐശ്വര്യത്തിന്‍റെ ദേവതയായ ലക്ഷ്മി ദേവിയോടൊപ്പമാണ് കുബേരനെ ആരാധിക്കുന്നത്. ചില ക്ഷേത്രങ്ങളിൽ ഉപദേവതാ പ്രതിഷ്ഠയായും കുബേരനെ കാണാം,

PC:commons.wikimedia.

പുഷ്കർ

പുഷ്കർ

കുബേരനെ ആരാധിക്കുന്ന ക്ഷേത്രങ്ങളിൽ പ്രധാനപ്പെട്ടതാണ് രാജസ്ഥാനിലെ പുഷ്കറിലെ ബ്രഹ്മ ക്ഷേത്രം. ലോകത്ത് ബ്രഹ്മാവിനായി സമർപ്പിക്കപ്പെട്ടിരിക്കുന്ന അപൂര്‍വ്വ ക്ഷേത്രമായ ഇവിടെ സ്രഷ്ടാവായ ബ്രഹ്മദേവന്റെ കാവൽക്കാരാനായാണ് കുബേരൻ അറിയപ്പെടുന്നത്. ദീപാവലിയുടെ തുടക്കമാണ് ധന്തേരസ് അഥവാ ധന്ത്രയോദശിയില്‍ ഇവിടെ കുബേരനായി പ്രത്യേക പൂജകളും ആരാധനകളും നടത്തുന്നു. കുബേരന്റെ വിഗ്രഹത്തിന് പുണ്യസ്നാനം നടത്തുകയും പ്രത്യേക പൂജകൾ അനുഷ്ഠിക്കുകയും ചെയ്യുന്നു. കുബേരൻ തന്‍റെ ഭക്തർക്ക് ഐശ്വര്യവും സമൃദ്ധമായ ഭക്ഷണവും സമ്പത്തും നല്കുമെന്നാണ് വിശ്വാസം

PC:Alexander Schimmeck

രോഗം മാറ്റുന്ന വൈദ്യനാഥൻ,സൂര്യൻ പ്രതിഷ്ഠ നടത്തിയ ക്ഷേത്രം... കാഞ്ഞിരങ്ങാട് ക്ഷേത്ര വിശ്വാസങ്ങളിലൂടെരോഗം മാറ്റുന്ന വൈദ്യനാഥൻ,സൂര്യൻ പ്രതിഷ്ഠ നടത്തിയ ക്ഷേത്രം... കാഞ്ഞിരങ്ങാട് ക്ഷേത്ര വിശ്വാസങ്ങളിലൂടെ

ബദ്രിനാഥ്

ബദ്രിനാഥ്

കുബേരനെ ഒരു പ്രതിഷ്ഠയായി ആരാധിക്കുന്ന മറ്റൊരു ക്ഷേത്രമാണ് ബദ്രിനാഥ്. ചാർ ദാം ക്ഷേത്രങ്ങളിൽ ഒന്നായ ഇത് മഹാവിഷ്ണുവിനായി സമർപ്പിച്ചിരിക്കുന്ന ക്ഷേത്രമാണ്. വര്‍ഷത്തിൽ ആറുമാസക്കാലം മാത്രമാണ് ഇവിടെ വിശ്വാസികൾക്ക് പ്രവേശനവും ദര്‍ശനവും അനുവദിക്കുന്നത്. സാധാരണയായി അക്ഷയ ത്രിതീയ ദിനത്തിൽ അട‌ച്ച് വിജയദശമിയിൽ തുറക്കുന്ന രീതിയിലാണ് ഇവിടുത്തെ ചടങ്ങുകള്‍ നടക്കുന്നത്. വിഷ്ണുവിന്റെ രണ്ടാം വൈകുണ്ഡം എന്നും വിഷ്ണുവിന്റെ രണ്ടാം വൈകുണ്ഡം എന്നും ബദ്രിനാഥ് അറിയപ്പെടുന്നു. ഇവിടുത്തെ ശ്രീകോവിലിൽ നാരദ മുനി, ഉദ്ധവൻ, നർ നാരായണൻ എന്നിവർക്കൊപ്പംസമ്പത്തിന്റെ ദേവനായ കുബേരൻറെ രൂപവും കാണാം.

വിദിഷ, മധ്യ പ്രദേശ്

വിദിഷ, മധ്യ പ്രദേശ്

കുബേര ക്ഷേത്രമല്ലെങ്കിൽക്കൂടിയും കുബേര രൂപം കാണുവാൻ ആയിരക്കണക്കിന് വിശ്വാസികൾ എത്തിച്ചേരുന്ന ഇടമാണ് വിദിശ. കുബേരന്റെ ഏറ്റവും ഉയരം കൂടിയ 12 അടി ഉയരമുള്ള, വിഗ്രഹം ഇവിടെയാണുള്ളത്. ഇവിടുത്തെ ബിയാസ് നദിയുടെ തടം ഖനനം ചെയ്യുന്ന പുരാവസ്തു ഗവേഷകരുടെ ഒരു സംഘം ആണിത് കണ്ടെത്തിയത്. വിദിഷയിലെ മ്യൂസിയത്തിലാണ് ബിസി രണ്ടാം നൂറ്റാണ്ടിലെ ഈ വിഗ്രഹം സൂക്ഷിച്ചിരിക്കുന്നത്.

PC:shibainu

മന്ദ്‌സൂർ

മന്ദ്‌സൂർ

ഖിൽചിപ്പൂർ മന്ദ്‌സൗറിലെ കുബേർ ക്ഷേത്രമാണ് കുബേര ആരാധനയ്ക്കായി പോകുവാന് പറ്റിയ മറ്റൊരു ക്ഷേത്രം. ഏഴാം നൂറ്റാണ്ടിലെ ഗുപ്ത കാലഘട്ടത്തില്‍ നിർമ്മിക്കപ്പെട്ടു എന്നു വിശ്വസിക്കപ്പെടുന്ന ഒരു പുരാതന വിഗ്രഹം ഇവിടെ കാണാം. മറാത്താ ഭരണാധികാരികളാണ് ക്ഷേത്രത്തെ ഇന്നു കാണുന്ന രീതിയിലേക്ക് ഉയർത്തിയതെന്നാണ് വിശ്വസിക്കപ്പെടുന്നത്.

ഭൂമിയിലെത്താത്ത നിഴൽ, രഹസ്യ തുരങ്കങ്ങളും 80 ടൺ ഭാരമുള്ള മകുടവും! തഞ്ചാവൂർ ബൃഹദീശ്വര ക്ഷേത്രം നിഗൂഢതകൾഭൂമിയിലെത്താത്ത നിഴൽ, രഹസ്യ തുരങ്കങ്ങളും 80 ടൺ ഭാരമുള്ള മകുടവും! തഞ്ചാവൂർ ബൃഹദീശ്വര ക്ഷേത്രം നിഗൂഢതകൾ

ക്ഷേത്രങ്ങളും വിശ്വാസങ്ങളും ഇഴചേർന്നു നിൽക്കുന്ന മധുര! മീനാക്ഷി ക്ഷേത്രം മുതൽ കൂടൽ അഴഗാർ വരെ..ക്ഷേത്രങ്ങളും വിശ്വാസങ്ങളും ഇഴചേർന്നു നിൽക്കുന്ന മധുര! മീനാക്ഷി ക്ഷേത്രം മുതൽ കൂടൽ അഴഗാർ വരെ..

Read more about: temple mystery kerala
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X