പൊന്നിയൻ സെൽവനിൽ കണ്ടതൊക്കെ ചെറുത് ; ചോള ഭരണകാലം നല്കിയ പ്രധാന സംഭാവനകൾ ഇതാ

ബൃഹദീശ്വര ക്ഷേത്രം, തഞ്ചാവൂർ

ചോള സാമ്രാജ്യത്തിന്റെ തലസ്ഥാനമായ തഞ്ചാവൂരിൽ, കാവേരി നദിയുടെ തീരത്തായി രാജരാജചോള്‍ മുൻകൈയെടുത്ത് നിർമ്മിച്ച ബൃഹദീശ്വര ക്ഷേത്രം ലോകത്തിനു മുന്നിൽ ഇന്ത്യയെ അടയാളപ്പെടുത്തുന്ന അത്ഭുത നിർമ്മിതികളിലൊന്നാണ്. 1012 എഡിയിൽ പൂർത്തികരിക്കപ്പെട്ട ഈ ക്ഷേത്രം ആറു വർഷമെടുത്താണ് നിർമ്മിച്ചത്.

PC:Jean-Pierre Dalbéra

പെരുവുടയാർ കോവിൽ

പെരുവുടയാർ കോവിൽ എന്നും പെരിയ കോവിൽ എന്നുമെല്ലാം കാലത്തിനനുസരിച്ച് പേരുവീണിട്ടുണ്ട് ഈ ക്ഷേത്രത്തിന്. ബിഗ് ടെംപിൾ എന്നുമിതിനെ വിശേഷിപ്പിക്കുന്നു.
കല്ലിൽ കല്ലുചേര്‍ത്തു നിർമ്മിച്ച ഈ ക്ഷേത്രം പൂർണ്ണമായും കരിങ്കല്ലിലാണ് നിർമ്മിച്ചിരിക്കുന്നത്. കല്ലിൽ കൊത്തിയെടുത്ത ശില്പരൂപങ്ങളും കൊത്തുപണികളും ഇന്നും അതിശയിപ്പിക്കുന്നതാണ്.
81 ടണ്‍ ഭാരമുള്ള ഒറ്റക്കല്ലില്‍ നിര്‍മ്മിച്ചതാണ് ഇവിടുത്തെ ക്ഷേത്രത്തിന്റെ മകുടം. ഇതിന്റെ നിഴൽ നിലത്ത് വീഴില്ല എന്നതാണ് ഇതിന്റെ നിർമ്മാണത്തിലെ സവിശേഷത. ഇന്ത്യയിലെ ഏറ്റവും മികച്ച ശില്പ നിർമ്മിതിയായി ഈ ക്ഷേത്രത്തെ കണക്കാക്കുന്നു.
രാജവംശത്തിന്റെ സംസ്കാരവും ശൈലിയും മഹത്വവും പ്രതിഫലിപ്പിക്കുന്ന നിർമ്മിതിയാണിത്. ഭരതനാട്യത്തിലെ 108 കരണങ്ങളില്‍ 81 എണ്ണത്തിന്റെയും ശില്പാവിഷ്കാരം ഇവിടെ ക്ഷേത്രത്തിൽ കാണാം.

PC:IM3847

നടരാജ ശില്പം

നടരാജ ശില്പം നമുക്ക് എല്ലാവർക്കും പരിചിതമാണ്. താണ്ഡവ നൃത്തമാടുന്ന ശിവന്റെ നടരാജ രൂപം മധ്യകാലഘട്ടത്തിൽ ചോള രാജവംശത്തിന്റെ രക്ഷാകർതൃത്വത്തിൽ ആണ് നിർമ്മിച്ച് വികസിപ്പിച്ചതെന്നാണ് വിശ്വാസം. കടുത്ത ശിവഭക്തരായിരുന്ന ചോളഭരണാധികാരികളുടെ അവരുടെ കാലത്തെ ക്ഷേത്രങ്ങളിൽ ശിവന്റെയോ ശിവ നടരാജന്റെയോ നൃത്തരൂപം വളരെ സാധാരണമെന്ന പോലെ കാണാമാിയിരുന്നു. പിന്നീടത് ചോള ശക്തിയുടെ പ്രതീകമായി മാറി. ഇപ്പോൾ ന്യൂഡൽഹിയിലെ നാഷണൽ മ്യൂസിയത്തിൽ ചോള വെങ്കലങ്ങൾക്കിടയിൽ പ്രദർശിപ്പിച്ചിരിക്കുന്നു.

PC:wikimedia

ഗംഗൈകൊണ്ട ചോളപുരം ക്ഷേത്രം

ചോളഭരണാധികാരികളുടെ നിർമ്മാണ വൈദഗ്ദ്യത്തിൻറെ മറ്റൊരു അടയാളമാണ് ഗംഗൈകൊണ്ട ചോളപുരം ക്ഷേത്രം. 11-ാം നൂറ്റാണ്ടിൽ നിർമ്മിക്കപ്പെട്ട തഞ്ചാവൂരിലെ ബൃഹദീശ്വര ക്ഷേത്രമായി രൂപകല്പനയിൽ വളരെ സാമ്യം ഗംഗൈകൊണ്ട ചോളപുരം ക്ഷേത്രത്തിനുണ്ട്. ഗംഗൈകൊണ്ട ചോളപുരം ക്ഷേത്രം തഞ്ചാവൂർ ക്ഷേത്രത്തേക്കാൾ ചെറുതും എന്നാൽ കൂടുതൽ പരിഷ്കൃതവുമാണ്. തഞ്ചാവൂര്‍ ക്ഷേത്രത്തിന്റെ സ്ത്രീ മാതൃക എന്ന് ഈ ക്ഷേത്രം വിശേഷിപ്പിക്കപ്പെടുന്നു.
ആറേക്കൾ സ്ഥലത്തായി കിടക്കുന്ന ഈ ക്ഷേത്രം രാജരാജന്‍ ഒന്നാമന്റെ മകനായ രാജേന്ദ്ര ചോളൻ ഒന്നാമനാണ് നിർമ്മിച്ചതെന്നാണ് ചരിത്രം പറയുന്നത്. പിന്നീട് ഇദ്ദേഹം തഞ്ചാവൂരിൽ നിന്നും ഇവിടേക്ക് ചോളസാമ്രാജ്യത്തിന്റെ തലസ്ഥാനം മാറ്റുകയും ചെയ്തു.

PC:Rangan Datta Wiki

കാഞ്ചീപുരം സാരികൾ

കാഞ്ചീപുരം സാരികളുടെ ചരിത്രത്തിന് ചോളവംശത്തോളം തന്നെ പഴക്കമുണ്ട്. ഈടുറ്റ പാവിനും മികച്ച ഡിസൈനുകൾക്കും പേരുകേട്ട കാഞ്ചീപുരം സാരികൾക്ക് ക്ഷേത്രങ്ങളിൽ നിന്ന് പ്രചോദനം ഉൾക്കൊണ്ടുള്ള ഡിസൈനുകൾ ആണുള്ളത്. ചോള രാജാവായ രാജരാജൻ ഒന്നാമൻ സൗരാഷ്ട്രയിൽ നിന്നുള്ള നെയ്ത്തുകാരെ കാഞ്ചീപുരത്ത് വന്ന് താമസിക്കാനും തറി സ്ഥാപിക്കാനും ക്ഷണിച്ചുവെന്നാണ് ചരിത്രകാരന്മാർ പറയുന്നു. പിന്നീടത് ഒരു പ്രാദേശിക കരകൗശല നിർമ്മിതിയായി തുടർന്നുമെങ്കിലും കൃഷ്ണ ദേവ രായയുടെ ഭരണകാലത്ത് അഭിവൃദ്ധി പ്രാപിക്കുകായായിരുന്നു.

PC:wikipedia

ഐരാവതേശ്വര ക്ഷേത്രം കുംഭകോണം

തഞ്ചാവൂരിൽ തന്നെയുള്ള കുംഭകോണത്ത് സ്ഥിതി ചെയ്യുന്ന ഐരാവതേശ്വര ക്ഷേത്രം പന്ത്രണ്ടാം നൂറ്റാണ്ടിൽ ചോള ചക്രവർത്തിയായ രാജേന്ദ്ര രണ്ടാമനാണ് നിർമ്മിച്ചത്. ദേവന്മാരുടെ രാജാവായ ഇന്ദ്രന്റെ വെളുത്ത ആനയായ ഐരാവതത്തിന്റെ രൂപത്തിലുള്ള ശിവനാണ് ഈ ക്ഷേത്രം സമർപ്പിച്ചിരിക്കുന്നത്. ദാരാസുരം എന്ന സ്ഥലത്താണ് ക്ഷേത്രമുള്ളത്
പുരാണമനുസരിച്ച് ഐരാവതത്തിന് ദുർവാസാവിന്‍ഖെ ശാപംമൂലം വെളുത്ത നിറം നഷ്ടമായി. പിന്നീട് ഈ ക്ഷേത്രത്തിലെത്തി ശിവനോട് പ്രാർത്ഥിച്ചതിൻറെ ഫലമായി വെളുത്തനിറം ലഭിക്കുകയും ചെയ്ത്രെ. അതിനാലാണ് ഐരാവതേശ്വരനായി ശിവനെ ഇവിടെ ആരാധിക്കുന്നത്.

PC:Supraja kannan