നമ്മുടെ ഇന്നത്തെ ജീവിതത്തിന്റെ വളർച്ചയുടെ ചരിത്രം തിരഞ്ഞു പിന്നോട്ടു പോകുമ്പോൾ അതിൽ പ്രധാന പങ്കുവഹിച്ചത് അക്കാലത്തെ ഭരണാധികാരികളാണെന്ന് മനസ്സിലാക്കാം. തെക്കെ ഇന്ത്യയിലേക്ക് വരുമ്പോൾ അതിൽ ഏറ്റവും പ്രധാനപ്പെട്ട ഭരണാധികാരികളിലൊന്ന് ചോള രാജവംശമാണ്. കാവേരി നദീതടത്തിൽ തുടങ്ങി ഏഷ്യയിലെ തന്നെ ഒരു സൈനിക സാമ്പത്തിക ശക്തിയായി മാറിയ ചരിത്രമാണ് ചോളവാജവംശത്തിന്റേത്.
ഇന്ത്യയിൽ ഭരണം നടത്തിയ പല രാജവംശങ്ങളെയും അധികാരികളെയുംകാൾ കലയ്ക്കും സാഹിത്യത്തിനുമെല്ലാം ചോളവംശം നല്കിയ സംഭാവകൾ വിലമതിക്കാനാവാത്തതാണ്. തങ്ങളുടെ ഭരണകാലത്ത് അവർ നടത്തിയ ഇത്തരം മുന്നേറ്റങ്ങളാണ് നൂറ്റാണ്ടുകൾ കഴിഞ്ഞും അവര് അവശേഷിപ്പിച്ച അടയാളങ്ങളായി നിലകൊള്ളുന്നത്. നീണ്ട, 1500 വർഷക്കാലം, അതായത് ലോകത്തിലെ ലോക ചരിത്രത്തിലെ ഏറ്റവും കൂടുതൽ കാലം ഭരിച്ച രാജവംശങ്ങളിൽ ഒന്നായി അവർ മാറിയപ്പോള് ഈ കാലത്തിനടയിൽ അസ്തമിച്ചുപോയ ഭരണാധികാരികളും ഉണ്ടായിരുന്നു. തമിഴ് സംസ്കാരത്തിനും ഇന്ത്യൻ ചരിത്രത്തിനും ചോളരുടെ സംഭാവനകൾ ശ്രദ്ധേയമാണ്. ഇതാ ചോളഭരണത്തിൽറെ 1500 ഓളം വർഷങ്ങളിൽ അവർ നല്കിയ പ്രധാന സംഭാവനകൾ എന്തൊക്കെയാണെന്നു നോക്കാം
കാഞ്ചീപുരം സാരികൾ
കാഞ്ചീപുരം സാരികളുടെ ചരിത്രത്തിന് ചോളവംശത്തോളം തന്നെ പഴക്കമുണ്ട്. ഈടുറ്റ പാവിനും മികച്ച ഡിസൈനുകൾക്കും പേരുകേട്ട കാഞ്ചീപുരം സാരികൾക്ക് ക്ഷേത്രങ്ങളിൽ നിന്ന് പ്രചോദനം ഉൾക്കൊണ്ടുള്ള ഡിസൈനുകൾ ആണുള്ളത്. ചോള രാജാവായ രാജരാജൻ ഒന്നാമൻ സൗരാഷ്ട്രയിൽ നിന്നുള്ള നെയ്ത്തുകാരെ കാഞ്ചീപുരത്ത് വന്ന് താമസിക്കാനും തറി സ്ഥാപിക്കാനും ക്ഷണിച്ചുവെന്നാണ് ചരിത്രകാരന്മാർ പറയുന്നു. പിന്നീടത് ഒരു പ്രാദേശിക കരകൗശല നിർമ്മിതിയായി തുടർന്നുമെങ്കിലും കൃഷ്ണ ദേവ രായയുടെ ഭരണകാലത്ത് അഭിവൃദ്ധി പ്രാപിക്കുകായായിരുന്നു.
തഞ്ചാവൂരിൽ തന്നെയുള്ള കുംഭകോണത്ത് സ്ഥിതി ചെയ്യുന്ന ഐരാവതേശ്വര ക്ഷേത്രം പന്ത്രണ്ടാം നൂറ്റാണ്ടിൽ ചോള ചക്രവർത്തിയായ രാജേന്ദ്ര രണ്ടാമനാണ് നിർമ്മിച്ചത്. ദേവന്മാരുടെ രാജാവായ ഇന്ദ്രന്റെ വെളുത്ത ആനയായ ഐരാവതത്തിന്റെ രൂപത്തിലുള്ള ശിവനാണ് ഈ ക്ഷേത്രം സമർപ്പിച്ചിരിക്കുന്നത്. ദാരാസുരം എന്ന സ്ഥലത്താണ് ക്ഷേത്രമുള്ളത്
പുരാണമനുസരിച്ച് ഐരാവതത്തിന് ദുർവാസാവിന്ഖെ ശാപംമൂലം വെളുത്ത നിറം നഷ്ടമായി. പിന്നീട് ഈ ക്ഷേത്രത്തിലെത്തി ശിവനോട് പ്രാർത്ഥിച്ചതിൻറെ ഫലമായി വെളുത്തനിറം ലഭിക്കുകയും ചെയ്ത്രെ. അതിനാലാണ് ഐരാവതേശ്വരനായി ശിവനെ ഇവിടെ ആരാധിക്കുന്നത്.