ബാംഗ്ലൂരിൽ നിന്ന് മംഗലാപുരത്തേക്കുള്ള ഗ്രീൻ റൂട്ട്

മണ്ഡ്യ

ബാംഗ്ലൂർ കഴിഞ്ഞാൽ ഈ യാത്രയ്ക്കിടയിലെ പ്രധാന റെയിൽവെ സ്റ്റേഷനാണ് മാണ്ഡ്യ. പഞ്ചസാര നഗരം എന്ന് അറിയപ്പെടുന്ന മാണ്ഡ്യയിലെ സുന്ദരമായ സ്ഥലമാണ്. യോഗ നരസിംഹ ക്ഷേത്രം ഉൾപ്പടെ നിരവധി ടൂറിസ്റ്റ് കേന്ദ്രങ്ങൾ ഇവിടെയുണ്ട്.

മൈസൂർ

മാണ്ഡ്യയുടെ പഞ്ചാര മധുരം നുകർന്ന് അടുത്തതായി എത്തുന്നത് കർണാടകയുടെ സാംസ്കാരിക തലസ്ഥാനമായ മൈസൂരിലാണ്. ഇന്ത്യയിലെ തന്നെ പ്രശസ്തമായ ടൂറിസ്റ്റ് കേന്ദ്രമാണ് മൈസൂർ.

ഹൊളേ നരസിപുര

ഹാസന് അടുത്തുള്ള റെയിൽവെ സ്റ്റേഷൻ ആണ് ഇത് കെ ആർ നഗറിന് ശേഷമാണ് ഈ റെയിൽവെസ്റ്റേഷനിൽ എത്തുക. നരസിംഹ മൂർത്തിയുടെ പേരിൽ നിന്നാണ് ഈ സ്ഥലത്തിൽ നിന്ന് ആ പേര് ലഭിച്ചത്. ഹേമാവതി നദിയിലെ വെള്ളക്കെട്ടാണ് ഇവിടുത്തെ പ്രധാന ആകർഷണം. കാവേരി നദിയുടെ ഒരു പോഷകനദിയാണ് ഈ നദി.

ഹാസൻ

ഹാസൻ ആണ് അടുത്ത സ്റ്റോപ്പ്. കർണാടയിലെ പ്രശസ്തമായ ടൂറിസ്റ്റ് കേന്ദ്രമായ ഹാസൻ പാവങ്ങളുടെ ഊട്ടി എന്ന പേരിലാണ് അറിയപ്പെടുന്നത്. പ്രകൃതിഭംഗി കണ്ട് ഇനി യാത്ര തുടരാം.

സകലേശ്പൂർ

സകലേശ്പൂർ മുതൽ ആണ് ഗ്രീൻ റൂട്ട് ആരംഭിക്കുന്നത്. പശ്ചിമഘട്ടത്തിന്റെ തുടക്കം ഇവിടെ നിന്നാണ്. ഹൃദയം കവരുന്ന കാഴ്ചകളാണ് ഇനി അങ്ങോട്ട് കാണാനുള്ളത്. നീണ്ട് കിടക്കുന്ന കാപ്പിത്തോട്ടങ്ങളുടെ ഹരിത ‌ഭംഗി സുന്ദരമായ ഒരു കാഴ്ചയാണ്

തുരങ്ക പാതകൾ

നിരവധി തുരങ്കപാതകളിലൂടെയാണ് ട്രെയിൻ നീങ്ങുന്നത്. ഇതാണ് ഗ്രീൻ‌ റൂട്ടിലൂടെയുള്ള യാത്ര സുന്ദരമാകാൻ ഒരു കാരണം.

പശ്ചിമഘട്ടം

പശ്ചിമഘട്ട മലനിരകളിലൂടെ ട്രെയിൻ കുതിച്ച് പായുമ്പോൾ, അതിന്റെ ആശ്ചര്യകരമാംവിധമുള്ള ഭംഗി നമുക്ക് ആസ്വദിക്കാം. ബാഗിൽ നിന്ന് ക്യാമറ പുറത്തെടുക്കാൻ മറക്കേണ്ട.

കുക്കേ സുബ്രഹ്മണ്യ

പശ്ചിമഘട്ടത്തിന്റെ സൗന്ദര്യം നുകർന്നുള്ള യാത്രയ്ക്ക് ശേഷം നമ്മൾ എത്തിച്ചേരുന്നത് പ്രശസ്തമായ തീർത്ഥാടന സ്ഥലമായ കുക്കേ സുബ്രഹ്മണ്യ ക്ഷേത്രത്തിലാണ്. ഈ സ്റ്റേഷന് 6 കിലോമീറ്റർ അകലെയായിട്ടാണ് സുബ്രഹ്മണ്യ ക്ഷേത്രം സ്ഥിതി ചെയ്യുന്നത്

ആസ്വദിക്കാം ഈ യാത്ര

ബണ്ട്വാള, പുത്തൂർ തുടങ്ങിയ ഗ്രാമങ്ങളിലൂടെ ട്രെയിൻ മുന്നോട്ട് നീങ്ങുമ്പോൾ നിങ്ങളുടെ ക്യാമറയ്ക്ക് ഒരിക്കലും വിശ്രമം ഉണ്ടാകില്ല.

മംഗലാപുരം എത്തി

മംഗലാപുരത്ത് ട്രെയിൻ ഇറങ്ങി നഗരത്തിന്റെ ആരവത്തിൽ അകപ്പെട്ടാലും ഗ്രീൻറൂട്ടിലൂടെയുള്ള യാത്രയിൽ നിങ്ങൾ അനുഭവിച്ച അനുഭൂതി നിങ്ങളെ ഒരിക്കലും വിട്ട് പോകില്ല.