മൈസൂർ ദസറയുടെ (Mysore Dasara) ചരിത്രത്തിനും മൈസൂർ നഗരത്തിന്റെ ചരിത്രത്തിനും ഏകദേശം ഒരേ പഴക്കം തന്നെയാണ്. ഒരിക്കലും വേർതിരിച്ചു നിർത്തുവാൻ സാധിക്കാത്ത വിധത്തില് മൈസൂരും ദസറയും പരസ്പരം ചേർന്നു നിൽക്കുകയാണ്. ദസറക്കാലത്ത് തിരിച്ചറിയുവാൻ സാധിക്കാത്ത വിധത്തിൽ മൈസൂർ നഗരത്തിന്റെ മുഖം മാറും. ലൈറ്റുകളാൽ അലംകൃതമായി നിൽക്കുന്ന മൈസൂരിന്റെ ഭംഗി ഏറ്റവുമധികം ആസ്വദിക്കുവാൻ സാധിക്കുന്നതും ഈ കാലത്ത് തന്നെയാണ്.
2022 ലെ മൈസൂർ ദസറ ആഘോഷങ്ങൾക്ക് സെപ്റ്റംബർ 26-ാം തിയതി തന്നെ തുടക്കമായിട്ടുണ്ട്.
ജംബോ സവാരി
മൈസൂർ ദസറ നഗരപ്രദക്ഷിണം അഥവാ ജംബൂ സവാരിയാണ് ദസറക്കാലത്തെ പ്രധാന കാഴ്ചകളിലൊന്ന്. ഒക്ടോബർ അഞ്ചാം തിയതി നടക്കുന്ന ജംബൂ സവാരി
അലങ്കരിച്ച ആനയുടെ മുകളിൽ ഏകദേശം 750 കിലോഗ്രാം സ്വർണ്ണ മണ്ഡപത്തിൽ സ്ഥാപിച്ചിരിക്കുന്ന ചാമുണ്ഡേശ്വരി ദേവിയുടെ വിഗ്രഹമാണ് യാത്രയുടെ ആകർഷണം. മൈസൂർ കൊട്ടാരത്തിൽ നിന്ന് ആരംഭിച്ച് ബന്നിമണ്ടപ്പ് എന്ന സ്ഥലത്ത് അവസാനിക്കുന്നു. വൈകിട്ട് 5.07ന് തുടങ്ങി 5.18ന് ഈ വർഷത്തെ ജംബോ സവാരി അവസാനിക്കും. രാത്രിയിൽ ബന്നിമണ്ടപ്പിലെ മൈതാനത്ത് പഞ്ചിന കവയത്ത് (ടോർച്ച് ലൈറ്റ് പരേഡ്) എന്ന പരിപാടിയോടെ ദസറ ആഘോഷങ്ങൾ സമാപിക്കും
മൈസൂർ ദസറക്കാലത്തെ ഏറ്റവും ആകർഷകമായ കാഴ്ചകളിലൊന്നാണ് ദസറ എക്സ്പോ. ദസറ എ്സിബിഷൻ ഗ്രൗണ്ടിൽ 90 ദിവസം നീണ്ടുനിൽക്കുന്ന എക്സ്പോയാണിത്. 143 വാണിജ്യ സ്റ്റാളുകളും 30 ഫുഡ് സ്റ്റാളുകളും 60 ലധികം അമ്യൂസ്മെന്റ് ഗെയിമുകളും എക്സ്പോയിൽ ഉണ്ട്.
പ്രധാനമന്ത്രി നരേന്ദ്ര മോദി, ആസാദി കാ അമൃത് മഹോത്സവ്, അന്തരിച്ച നടൻ ഡോ. പുനീത് രാജ്കുമാർ, സ്വാതന്ത്ര്യ സമര സേനാനികൾ തുടങ്ങിയവരുടെ മണൽ രൂപങ്ങൾ ഉൾക്കൊള്ളുന്ന ഒരു സാൻഡ് മ്യൂസിയവും എക്സ്പോയിൽ കാണാം.
പ്രവേശന ഫീസ് മുതിർന്നവർക്ക് 30 രൂപ, കുട്ടികൾക്ക് 20 രൂപ എന്നിങ്ങനെയും പാർക്കിംഗിന് ഇരുചക്രവാഹനങ്ങൾക്ക് 10, രൂപയും. കാറുകൾക്ക് 30 രൂപയും ബസുകൾക്ക് 50 രൂപയും ആയിരിക്കും. ഗാന്ധി ജയന്തി ദിനത്തിലും (ഒക്ടോബർ 2) കന്നഡ രാജ്യോത്സവത്തിലും (നവംബർ 1) സ്കൂൾ കുട്ടികൾക്ക് പ്രവേശന ഫീസ് ഉണ്ടായിരിക്കുന്നതല്ല,