ആരോഗ്യ സേതു യാത്രയിൽ പാസായും ഉപയോഗിക്കാം..ആപ്പിൽ വാക്സിനേഷൻ സ്റ്റാറ്റസും

ഇന്ത്യയിലുടനീളം സഞ്ചരിക്കുവാനുള്ള യാത്രാ പാസ് ആയി പ്രവര്‍ത്തിക്കുവാന്‍ ഇനി ആരോഗ്യ സേതു ആപ്പും. പ്ലാറ്റ്‌ഫോമിൽ എൻറോൾ ചെയ്ത ഉപയോക്താക്കളുടെ വാക്സിനേഷൻ നില പ്രദർശിപ്പിക്കുന്ന ഫീച്ചറാണ് ആപ്പില്‍ പുതുതായി ഉള്‍പ്പെടുത്തിയിരിക്കുന്നത്. ഇന്ത്യയുടെ കോവിഡ് -19 കോൺടാക്റ്റ് ട്രെയ്‌സിംഗ് ആപ്ലിക്കേഷൻ ആരോഗ്യ സേതുവിന്റെ ഏറ്റവും പുതിയ അപ്ഡേറ്റിലാണ് ഇതുള്ളത്.

രണ്ട് ഡോസും പ്രതിരോധ കുത്തിവെയ്പ് എടുത്ത ഇപഭോക്താക്കള്‍ക്കായി നീല ഷീൽഡും നീല നിറത്തിലുള്ള ടിക്കുകളും ഒരു ഡോസ് എടുത്തവര്‍ക്കായി ആളുകൾക്ക് മറ്റ് നിറങ്ങളും കാണിക്കും. വാക്സിനേഷന്‍ എടുത്ത വിവരങ്ങള്‍ ആരോഗ്യ സേതു ആപ്പിൽ അപ്ഡേറ്റ് ചെയ്തുവെങ്കില്‍ മാത്രമേ ഇത് ലഭ്യമാവുകയുള്ളൂ.

രണ്ടാമത്തെ ഡോസ് ലഭിച്ച ഒരു ഉപയോക്താവിന് 14 ദിവസത്തിനുശേഷം നീല നിറത്തിലുള്ള ടിക്കുകൾ ദൃശ്യമാകും. കോവിൻ ഡിജിറ്റൽ പ്ലാറ്റ്ഫോമില്‍ നിന്നും കൃത്യമായി വിവരങ്ങള്‍ ലഭ്യമായ ശേഷം മാത്രമാകും ആപ്പ് ഉപഭോക്താവിന് നീല ടിക്കും ഷീല്‍ഡും ലഭിക്കുക. ഒരൊറ്റ ഡോസ് ലഭിച്ചവർക്ക് അവരുടെ ഹോം സ്‌ക്രീനിൽ വാക്സിനേഷൻ നിലയോടുകൂടിയ ഒരൊറ്റ നീല ബോർഡറും ആരോഷ്യ സെതു ലോഗോയിൽ ഒരു ടിക്കും ലഭിക്കും.

എല്ലാ ആരോഗ്യ സേതു ഉപയോക്താക്കൾക്കും പുതുക്കിയ സ്വയം വിലയിരുത്തൽ എടുത്തിട്ടില്ലെങ്കിൽ "വാക്സിനേഷൻ നില അപ്‌ഡേറ്റ് ചെയ്യുക" എന്ന ഓപ്ഷൻ ലഭിക്കും.
രോഗ്യ സേതുവിൽ സ്വയം വിലയിരുത്തൽ നടത്തുമ്പോൾ, കോവിഡ് -19 വാക്സിൻ കുറഞ്ഞത് ഒരു ഡോസ് എടുത്തിട്ടുള്ള ഉപയോക്താക്കൾക്ക് ആരോഗ്യ സേതുവിന്റെ ഹോം സ്ക്രീനിൽ "ഭാഗികമായി വാക്സിനേഷൻ / വാക്സിനേഷൻ (സ്ഥിരീകരിക്കാത്ത)" ടാബ് ലഭിക്കും.സ്വയം വിലയിരുത്തൽ സമയത്ത് ഉപയോക്താവ് നൽകിയ വാക്സിനേഷൻ നില പ്രഖ്യാപിച്ചതിന്റെ അടിസ്ഥാനത്തിലാണ് ഇത്. കോവിന്‍ ബാക്കെൻഡിൽ നിന്നുള്ള ഒടിപി അടിസ്ഥാനമാക്കിയുള്ള പരിശോധനയ്ക്ക് ശേഷം സ്ഥിരീകരിക്കാത്ത നില പരിശോധിച്ചുറപ്പിക്കുന്നു.