Click it and Unblock the Notifications
യാദവരെ രക്ഷിക്കുവാനായി ദേവശില്പിയായ വിശ്വകർമ്മാവ് ഭൂമിയിൽ നിർമ്മിച്ച നാട്...ശ്രീ കൃഷ്ണന്റെ രാജാധാനിയായി പുരാണങ്ങളിലു മിത്തുകളിലും വിളങ്ങി നിന്ന ദ്വാരകാപുരി ഇന്ന് ഗുജറാത്തിലെ പ്രധാനപ്പെട്ട വിനോദ സഞ്ചാര കേന്ദ്രങ്ങളിലൊന്നാണ്. ശ്രീ കൃഷ്ണന്റെ സ്വർഗ്ഗോരോഹണത്തിനു ശേഷം കടലെടുത്തു എന്നു വിശ്വസിക്കപ്പെടുന്ന ഇവിടം ഏഴു തവണ കടലിൽ മുങ്ങിപ്പോയെന്നും ഏഴാമത്തെ തവണ പുനർ നിർമ്മിച്ചതാണ് ഇപ്പോള് കാണപ്പെടുന്നത് എന്നുമാണ് കരുതുന്നത്. ഭാരതത്തിലെ ഏഴു പുണ്യ നഗരങ്ങളിൽ പ്രധാന സ്ഥാനമുള്ള ദ്വാരകയെക്കുറിച്ചും അവിടുത്തെ പ്രത്യേകതകളെക്കുറിച്ചും അറിയാനായി വായിക്കാം....
Cover PC: Shishirdasika
ശ്രീകൃഷ്ണന്റെ ദ്വാരക
ദ്വാരക എന്ന പേരിനോട് ഏറ്റവും ചേർന്നു കിടക്കുന്ന പേര് ശ്രീകൃഷ്ണന്റേതാണ്. കൃഷ്ണന്റെ രാജ്യമായാണ് ദ്വാരകയെ പുരാണങ്ങളിൽ അവതരിപ്പിച്ചിരിക്കുന്നത്. അദ്ദേഹത്തിന്റെ രാജധാനി ഇവിടെയായിരുന്നുവത്രെ. വൈഷ്ണവ വിശ്വാസികളുടെ ഏറ്റവും പ്രധാന ഇടം കൂടിയാണ് ദ്വാരക.
സമുദ്രത്തോട് ചേർന്ന്
സാധാരണയായി കര പ്രദേശം സമുദ്ര നിരപ്പിൽ നിന്നും ഉയർന്ന നിലയിലാണ് കാണപ്പെടുന്നത്. എന്നാൽ ദ്വാരകയുടെ പ്രത്യേകത എന്തെന്നാൽ അത് സമുദ്രത്തോട് ചേർന്നാണുള്ളത്. അതായത് സമുദ്ര നിരപ്പിൽ നിന്നും പൂജ്യം അടി മുകളിലായാണ് ഇവിടമുള്ളത് എന്ന്.
ദ്വാരകാധീശ ക്ഷേത്രം സന്ദർശിക്കാം
ഹൈന്ദവ തീർഥാടനത്തിന്റെ ഭാഗമായാണ് ഇവിടെ കൂടുതലും ആളുകൾ എത്തിച്ചേരുന്നത്. ഇവിടെ ഉറപ്പായും സന്ദർശിക്കേണ്ട ഒരിടം ദ്വാരകാധീശ് ക്ഷേത്രമാണ്. ദ്വാരകയുടെ അധിപൻ എന്ന നിലയില് ശ്രീകൃഷ്ണനെയാണ് ഇവിടെ ആരാധിക്കുന്നത്. ശ്രീകൃഷ്ണന്റെ സ്മരണയ്ക്കായി അദ്ദേഹത്തിന്റെ പ്രപൗത്രനായ വജ്രനാഭൻ പണികഴിപ്പിച്ചതാണെന്നാണ് കരുതുന്നത്.
സ്വർഗ്ഗദ്വാരം എന്നറിയപ്പെടുന്ന കവാടത്തിലൂടെ കയറി മോക്ഷദ്വാരം എന്ന കവാടത്തിലൂടെ പുറത്തിറങ്ങുന്ന രീതിയാണ് ഇവിടെയുള്ളത്.
അഞ്ച് തവണ പതാകയുയർത്തൽ
ദ്വാരകാദീശ് ക്ഷേത്രത്തിൽ കണ്ടിരിക്കേണ്ട ഒരുപാട് കാര്യങ്ങളുണ്ട്. അതിലൊന്നാണ് ദിവസവും അഞ്ച് തവണ നടത്തുന്ന പതാക ഉയർത്തൽ. ഈ ക്ഷേത്രത്തിൽ ദിവസത്തിൽ അഞ്ച് തവണയാണ് പതാക ഉയർത്തുന്നത് കേസരി വർണ്ണമാണ് പതാകയുടേത്.
രുഗ്മിണി ക്ഷേത്രം സന്ദർശിക്കാം
ദ്വാര സന്ദർശനം പൂർത്തിയാകണമെങ്കിൽ ഇവിടുത്തെ രുഗ്മിണി ക്ഷേത്രം കൂടി സന്ദർശിക്കണം. ശ്രീകൃഷ്ണന്റെ റാണിയായ രുക്മിണിയെയാണ് ഇവിടെ ആരാധിക്കുന്നത്. ബോട്ടിലൂടെ യാത്ര ചെയ്താണ് ഗോമതി നദിയുടെ തീരത്തെ ക്ഷേത്രത്തിൽ എത്തുന്നത്.
തുലാഭാരം
രുക്മിണിയുടെ കഥയുമായി ബന്ധപ്പെട്ട തുലാഭാരം ഇവിടെ രുക്മിണി ക്ഷേത്രത്തിനു സമീപത്തെ മിക്ക ചെറു ക്ഷേത്രങ്ങളിലും കാണാം. നമ്മുടെ തൂക്കത്തിനു തുല്യമായ അളവിൽ ഏഴു കാര്യങ്ങൾ തുലാഭാരം നടത്തിയാൽ മോക്ഷം ലഭിക്കും എന്നാണ് വിശ്വാസം.
ഗോമതി നദിയുടെ തീരത്തുകൂടെ ഒരു ഒട്ടക സവാരി
ഇതിന്റെ മറ്റൊരു വശത്ത് അഞ്ച് മുനിമാൻ അഞ്ച് നദികളിൽ നിന്നും ശേഖരിച്ചുകൊണ്ടുവന്ന മധുരമുള്ള വെള്ളം നിറച്ചിരിക്കുന്ന അഞ്ച് തീർഥക്കുളങ്ങളും കാണാം. കൂടാതെ ലക്ഷ്മി നാരായണ ക്ഷേത്രവും അംബാജി ക്ഷേത്രവും ഇവിടെയുണ്ട്.
