ശ്രീവില്ലിപുത്തൂർ.. തമിഴ്നാടിന്റെ ചരിത്രത്തിലെ ഏറ്റവും പ്രത്യേകതകളുള്ള സ്ഥലങ്ങളിലൊന്ന്... ചരിത്രത്തിന്റെയും ഐതിഹ്യങ്ങളുടെയും കാര്യത്തിൽ മറ്റേതു നഗരത്തോടു മത്സരിച്ചു നിൽക്കുന്ന ഇവിടം വിചിത്രമായ ചില കാര്യങ്ങൾ കൊണ്ടും സഞ്ചാരികളുടെ ഇടയിൽ പ്രശസ്തമാണ്.അതുകൊണ്ടുതന്നെ തമിഴ്നാടിന്റെ വിവിധ ഭാഗങ്ങളിൽ നിന്നും സഞ്ചാരികൾ ഇവിടെ എത്തിച്ചേരാറുണ്ട്. ക്ഷേത്രനഗരമായ ശ്രീവില്ലിപുത്തൂരിലെ ഏറ്റവും പ്രശസ്തമായ ഇടം എന്നത് വിഷ്ണുവിന്റെ 108 ദിവ്യദേശങ്ങളിലൊന്നായ ശ്രീ ആണ്ടവ ക്ഷേത്രമാണ്. അതു കൂടാതെ ഇവിടുത്തെ മറ്റൊരു പ്രത്യേകതയാണ് സെമ്പകത്തോപ്പ്
ശ്രീ വില്ലിപുത്തൂരിൽ നിന്നും 25 കിലോമീറ്റർ അകലെയായി സ്ഥിതി ചെയ്യുന്ന മറ്റൊരു സ്ഥലമാണ് പിളവക്ക്ൽ അണക്കെട്ട്.പശ്ചിമഘട്ടത്തിന്റെ താഴ്വരയിലാണ് ഈ അണക്കെട്ട് സ്ഥിതി ചെയ്യുന്നത്. ഇവിടുത്തെ മറ്റൊരാകർഷണം ഫിഷ് പാമാണ്. വ്യത്യസ്ത തരത്തിലുള്ള മത്സ്യങ്ങളെ ഇവിടെ നിന്നും ലഭിക്കും.
ശ്രീ വില്ലിപുത്തൂരിനടുത്തുള്ള വത്രായിരുപ്പ് എന്ന സ്ഥലത്തു നിന്നു 10 കിമീ അകലെ സ്ഥിതി ചെയ്യുന്ന പ്രശസ്തമായ വെള്ളച്ചാട്ടമാണ് തണ്ണിപ്പാറെ വെള്ളച്ചാട്ടം. ഒറ്റക്കാഴ്ചയിൽ തന്നെ ആരെയും ആകർഷിക്കുന്ന ഇത് കാണാനായി തമിഴ്നാടിന്റെ വിവിധ ഭാഗങ്ങളിൽ നിന്നും സഞ്ചാരികൾ എത്താറുണ്ട്.
വിരുത്നഗറിൽ നിന്നും 34 കിലോമീറ്റർ അകലെയാണ് ഇരിക്കൻകുടി മാരിയമ്മൻ എന്ന പ്രശസ്തമായ ക്ഷേത്രം സ്ഥിതി ചെയ്യുന്നത്. രണ്ടു നദികളുടെ സംഗമസ്ഥാനത്തോട് ചേർന്നു സ്ഥിതി ചെയ്യുന്ന ഈ ക്ഷേത്രം വർഷത്തിൽ എല്ലാ ദിവസവും സന്ദർശിക്കുവാൻ പറ്റിയ ഇടമാണ്.