ലോക വിനോദ സഞ്ചാരദിനം: സുസ്ഥിര സഞ്ചാരങ്ങളുടെ പ്രാധാന്യവും ആവശ്യകതയും

എന്താണ് സുസ്ഥിര ടൂറിസം

വിനോദസഞ്ചാര രംഗത്ത് ഇന്നേറ്റവുമധികം ചർച്ചചെയ്യപ്പെടുന്ന കാര്യങ്ങളിലൊന്നാണ് സുസ്ഥിര ടൂറിസം. നിർവ്വചനങ്ങൾ ഏറെയുണ്ട് സുസ്ഥിര ടൂറിസത്തിന്. പ്രകൃതിക്കും മനുഷ്യനും സമ്പദ്വ്യവസ്ഥകൾക്കും ഏറ്റവും കുറവ് നെഗറ്റീവ് ഇംപാക്റ്റ് നല്കുവാൻ കഴിയുന്ന തരത്തിള്ള വിനോദസഞ്ചാര മാതൃകകളെ സുസ്ഥിര ടൂറിസത്തിൽ ഉൾപ്പെടുത്താം. ഇങ്ങനെയുള്ള വിനോദസഞ്ചാരത്തിലേക്കും രീതികളിലേക്കും മാറുവാനാണ് ഇനി നമ്മൾ ശ്രദ്ധിക്കേണ്ടത്. യാത്ര ചെയ്യുന്ന രീതികൾ മുതൽ, താമസവും ലക്ഷ്യസ്ഥാനങ്ങളും സൗകര്യങ്ങളുമെല്ലാം സുസ്ഥിര ടൂറിസത്തിലേക്ക് മാറണം.

സുസ്ഥിര വിനോദസഞ്ചാരം-ഉത്തരവാദിത്വങ്ങൾ

വിനോദസഞ്ചാരവുമായും പ്രകൃതിയുമായും നേരിട്ടുവരുന്ന എന്തിന്‍റെയും സംരക്ഷണം സുസ്ഥിര വിനോദസഞ്ചാരത്തിന്റെ പ്രധാന ഉത്തരവാദിത്വമാണ്.
പരിസ്ഥിതി, പ്രകൃതി വിഭവങ്ങൾ, വന്യജീവികൾ എന്നിവയുടെ സംരക്ഷണം
വിനോദസഞ്ചാര കേന്ദ്രങ്ങളോട് ചേർന്നുള്ള കമ്മ്യൂണിറ്റികൾക്ക് സാമൂഹിക-സാമ്പത്തിക ആനുകൂല്യങ്ങൾ
സാംസ്കാരിക പൈതൃകം സംരക്ഷിക്കുകയും ആധികാരികമായ ടൂറിസ്റ്റ് അനുഭവങ്ങൾ സൃഷ്ടിക്കുകയും ചെയ്യുക
പരസ്പര പ്രയോജനത്തിനായി വിനോദസഞ്ചാരികളെയും പ്രാദേശിക കമ്മ്യൂണിറ്റികളെയും ഒരുമിച്ച് കൊണ്ടുവരിക
മെച്ചപ്പെട്ടതും പരിസ്ഥിതിയോട് ചേർന്നു നിൽക്കുന്നതുമായ വിനോദസഞ്ചാര അവസരങ്ങൾ സൃഷ്ടിക്കുക തുടങ്ങിയവ ഈ ഉത്തരവാദിത്വങ്ങളിൽ പെടുന്നു.

സുസ്ഥിര വിനോദസഞ്ചാരവും ഇക്കോ ടൂറിസവും

ഇക്കോടൂറിസം, സുസ്ഥിര ടൂറിസം എന്നിവ ഇന്ന് ഏറെ പ്രാധാന്യമർഹിക്കുന്ന രണ്ടു കാര്യങ്ങളാണ്. പ്രകൃതിയെക്കൂടി ഉൾപ്പെടുത്തിയുള്ള വിനോദസഞ്ചാരമാണ് രണ്ടും ലക്ഷ്യംവയ്ക്കുന്നതെങ്കിലും ചില കാര്യങ്ങളിൽ ചെറിയ വ്യത്യാസമുണ്ട്.

സുസ്ഥിര വിനോദസഞ്ചാരം ലക്ഷ്യസ്ഥാനങ്ങൾക്കും അവരുടെ കമ്മ്യൂണിറ്റികൾക്കും കുറഞ്ഞ സ്വാധീനവും പോസിറ്റീവ് നേട്ടങ്ങളുമുള്ള യാത്രാ അവസരങ്ങൾ സൃഷ്ടിക്കുന്നു. ഇക്കോടൂറിസം വിനോദസഞ്ചാരികളെ പ്രകൃതിയെയും പരിസ്ഥിതിയെയും കുറിച്ച് ബോധവൽക്കരിക്കുന്നതിലും സംരക്ഷണത്തിലും സാംസ്കാരിക പ്രവർത്തനങ്ങളിലും പങ്കെടുക്കുന്ന സഞ്ചാരികളിലും കൂടുതൽ ശ്രദ്ധ കേന്ദ്രീകരിക്കുന്നു.

മാറ്റംവരുത്താം ഇനിയും!!

വിനോദസഞ്ചാരം പലതരത്തിലും പ്രകൃതിയെ ദോഷകരമായി ബാധിക്കുന്നുണ്ട്.

പുതിയ അടിസ്ഥാന സൗകര്യങ്ങൾ കാരണം സ്വാഭാവീകമായ ആവാസവ്യവസ്ഥയുടെ നാശം ആണ് ഏറ്റവും പ്രധാനപ്പെട്ടത്. പ്രകൃതിദുരന്തങ്ങളോടുള്ള ദുർബലമായ പ്രതിരോധശേഷി, ഊർജ്ജത്തിന്റെ ഉയർന്ന ഉപഭോഗം, പ്ലാസ്റ്റിക് മലിനീകരണം ,
വനനശീകരണം തുടങ്ങിയവ അതിൽ ചുരുക്കം ചിലതാണ്.
പ്രകൃതിയെ ചേര്‍ത്തു നിര്‍ത്തിയുള്ള ഒരു മാറ്റത്തിലൂടെ മാത്രമേ ഇത് സാധ്യമാവുകയുള്ളൂ.