Click it and Unblock the Notifications
ആഗ്ര എന്ന പേരു കേള്ക്കുമ്പോള് ആദ്യം ഓര്മ്മയില് വരുന്നത് താജ്മഹല് തന്നെയാണ്. എന്നാല് അത്രയധികം ചരിത്രപ്രാധാന്യമുള്ള നഗരമായ ആഗ്രയില് മറ്റെന്തൊക്കെ കാണാനുണ്ട് എന്ന് ആലോചിച്ചിട്ടുണ്ടോ?
മഹാഭാരതത്തില് അഗ്രേവന എന്ന പേരില് അറിയപ്പെടുന്ന ഇന്നത്തെ ആഗ്രയ്ക്ക് പൗരാണികമായും ചരിത്രപരമായും ഒരുപാട് കഥകള് പറയാനുണ്ട്.
ബാബറും അക്ബറും ഷാ ജഹാനും ഒക്കെ ഭരിച്ച ആഗ്രയെ ഇന്ന് കാണുന്ന നിലയിലേക്ക് ഉയര്ത്തിയത് അക്ബറിന്റെ ഭരണമാണ്. ആഗ്രയുടെ സുര്ണ്ണകാലം എന്നറിയപ്പെടുന്നത് അക്ബറിന്റെ ഭരണകാലമാണെങ്കില് ഷാജഹാന് നിര്മ്മിച്ച താജ്മഹലാണ് ആഗ്രയെ ലോകപ്രശസ്തമാക്കിയത്.
യമുനയുടെ തീരത്ത് സ്ഥിതി ചെയ്യുന്ന ആഗ്രയിലെത്തിയാല് ഉറപ്പായും കണ്ടിരിക്കേണ്ട പത്ത് സ്ഥലങ്ങള് പരിചയപ്പെടാം.
താജ് മഹല്
വെണ്ണക്കല്ലില് തീര്ത്ത ഈ സ്മാരകം യുനസ്കോയുടെ പൈതൃക കേന്ദ്രങ്ങളിലൊന്നുകൂടിയാണ്.
ആഗ്രാ ഫോര്ട്ട്
പൂര്ണ്ണമായും ചെങ്കല്ലില് തീര്ത്തിരിക്കുന്ന ഈ കോട്ട 1573 ലാണ് നിര്മ്മാണം പൂര്ത്തീകരിക്കുന്നത്.
ചുവരുകളില് ഗ്ലാസുകള് കൊണ്ട് അലങ്കരിച്ചിരിക്കുന്ന ഷീഷ് മഹലും രാജകീയ പൂന്തോട്ടമായ അങ്കൂരി ബാഗും നാജിന മസ്ജിദും ഒക്കെ ഇവിടുത്തെ ആകര്ഷണങ്ങളാണ്.
ജമാ മസ്ജിദ്
ചെങ്കല്ലില് പണിതിരിക്കുന്ന മസ്ജിദില് അലങ്കാരങ്ങള് വെണ്ണക്കല്ലിലാണ് ഒരുക്കിയിരിക്കുന്നത്.
ഖാസ് മഹല്
ഒരു വശത്ത് നദിയും മറുവശത്ത് പൂന്തോട്ടവുമായി സ്ഥിതി ചെയ്യുന്ന ഈ നിര്മ്മിതി അതിമനോഹരമാണ്. കൊത്തുപണികളും ചുവരെഴുത്തുകളും അതിമനെ കൂടുതല് ഭംഗിയാക്കുന്നു.
ചിനി കാ റൗസാ
പഞ്ച് മഹല്
176 തൂണുകളുള്ള പഞ്ച് മഹലില് രാജ്ഞിമാര് ഉള്പ്പെടെയുള്ള സ്ത്രീകള് വിശ്രമിക്കാനെത്തുമായിരുന്നുവത്രെ. ഇവിടെനിന്നുള്ള ദൂരക്കാഴ്ചയാണ് പഞ്ച് മഹലിന്റെ ആകര്ഷണം.
സൂര് സരോവര് ബേര്ഡ് സാങ്ച്വറി
പ്രമുഖ ഹിന്ദി കവിയായിരുന്ന സൂര്ദാസിന്റെ പേരിലാണ് ഇത് അറിയപ്പെടുന്നത്. അദ്ദേഹം ഈ പ്രദേശത്തിനടുത്തായാണ് ജനിച്ചതെന്നാണ് വിശ്വാസം. 1991 ലാണ് ഇവിടെ പക്ഷി സങ്കേതമായി പ്രഖ്യാപിക്കപ്പെടുന്നത്.
ജഹാങ്കീര് മഹല്
അങ്കൂരി ബാഗ്
സ്വാദിഷ്ടമായ മുന്തിരികള് ഈ പൂന്തോട്ടത്തിന്റെ പ്രത്യേകതയാണ്. ഇതിനടുത്തായാണ് കൊട്ടാരത്തിലെ സ്ത്രീകള്ക്കുള്ള സ്നാനപ്പുര സ്ഥിതി ചെയ്തിരുന്നത്.
മോട്ടി മസ്ജിദ്
ഇവിടെ പ്രധാന കെട്ടിടത്തിന്റെ രണ്ടു വശങ്ങളിലുമായി സ്ത്രീകള്ക്ക് പ്രത്യേകം പ്രാര്ഥനാ മുറികള് നിര്മ്മിച്ചത് കാണാന് സാധിക്കും.
