ട്രെയിനിൽ ദീർഘദൂര യാത്രകൾക്ക് സ്ലീപ്പർ കോച്ചുകളാണ് പൊതുവേ ആളുകൾ പരിഗണിക്കുന്നത്. എന്നാൽ ഉത്സവ സീസണുകളിലോ മറ്റു തിരക്കുകളുള്ള സമയങ്ങളിലോ സ്ലീപ്പറിൽ ടിക്കറ്റ് കിട്ടുക എന്നത് കുറച്ച് പ്രയാസമുള്ള കാര്യമാണ്. ചിലപ്പോൾ ചെറിയ യാത്രകൾക്കായി സ്ലീപ്പർ ക്ലാസിനു പകരം ജനറൽ ടിക്കറ്റ് എടുക്കാറുമുണ്ട്. എന്നാൽ ജനറൽ ടിക്കറ്റിൽ, തിക്കിലും തിരക്കിലും പെട്ട്, നിന്നുതിരിയുവാനോ, ശ്വാസം വിടുവാനോ പോലും സാധിക്കാതെ നിൽക്കുമ്പോൾ യാത്ര ചെയ്യുമ്പോൾ നമ്മൾ പലതവണ ആലോചിക്കും സ്ലീപ്പർ ടിക്കറ്റ് മതിയായിരുന്നുവെന്ന്... ചിലപ്പോൾ ഒരുപടി കൂടി കടന്ന്, കയ്യിലുള്ള ജനറൽ ടിക്കറ്റ് വെച്ച് റെയിൽവേ പിടിക്കാതെ സ്ലീപ്പർ കോച്ചിൽ യാത്ര ചെയ്യുവാൻ പറ്റിയിരുന്നെങ്കിലോ എന്നും ആഗ്രഹിക്കും.. എന്നാൽ നിങ്ങളുടെ ഈ ആഗ്രഹം ചിലപ്പോൾ സഫലമായേക്കുവാൻ സാധ്യതയുണ്ട്!
ഇത്തരത്തിലുള്ള യാത്രകൾ നല്കുവാനുള്ള ഒരു തീരുമാനത്തിൽ റെയില്വേ എത്തിയേക്കുമെന്നാണ് പുറത്തുവന്ന വാർത്തകൾ സൂചിപ്പിക്കുന്നത്.