ഓണമെത്തുവാന് ഇനിയും ഒരുമാസം സമയം ബാക്കിയുണ്ട്. ആഘോഷങ്ങള് പ്ലാന് ചെയ്യുവാനും യാത്രകള് പോകുവാനുമെല്ലാം ഓണക്കാലത്തിനായി കാത്തിരിക്കുന്നവരാണ് നമ്മളില് പലരും. ഇത്തവണത്തെ ഓണക്കാലം വലിയ ഒരു യാത്രയ്ക്കായി മാറ്റിവെച്ചാലോ? വലിയ യാത്രയെന്നു പറഞ്ഞാല് ഡല്ഹിയും ആഗ്രയും ജയ്പപ്പൂരും ഗോവയും കണ്ട് വരുന്നൊരു യാത്ര.. ഓണക്കാല ആഘോഷങ്ങള് മാറ്റേകുവാനായി ഒരു കിടിലന് യാത്രാ പാക്കേജാണ് ഐആര്സിടിസി അവതരിപ്പിച്ചിരിക്കുന്നത്. സ്വദേശ് ദര്ശന് കീഴില് വരുന്ന ഐആര്സിടിസി 'ഓണം വെക്കേഷന്' പാക്കേജിനെക്കുറിച്ചും അതിന്റെ പ്രത്യേകതകളെക്കുറിച്ചും വായിക്കാം
പത്താം ദിവസം
പത്താം ദിവസം അതായത്, സെപ്റ്റംബര് 11-ാം തിയതി രാവിലെ മഡ്ഗാവോയില് ട്രെയിന് എത്തിച്ചേരും. ഗോവയിലെ ഏറ്റവും പ്രധാന കാഴ്ചകള് കണ്ടുതീര്ക്കുവാന് ഈ ഒരു ദിവസം മാത്രമാണുള്ളത്. കാലന്ഗുട്ടെ ബീച്ച്, വാഗാറ്റോര് ബീച്ച്, പ്രസിദ്ധ ദേവാലയമായ ബസലിക്ക ഓഫ് ബോം ജീസസ്, കോള്വാ ബീച്ച് എന്നിവ സന്ദര്ശിക്കും. അന്ന് രാത്രിയോടെ മഡ്ഗാവോയില് നിന്നും മടക്കയാത്ര തുടങ്ങും.
ബോർഡിംഗ് പോയിന്റുകൾ: കൊച്ചുവേളി, എറണാകുളം ജങ്ഷൻ, തൃശൂർ, പാലക്കാട്, പോടനൂർ, ഈറോഡ്
ഡീബോർഡിംഗ് പോയിന്റുകൾ: കണ്ണൂർ, കോഴിക്കോട്, ഷൊർണൂർ ജങ്ഷൻ, തൃശൂർ, എറണാകുളം ജങ്ഷൻ, കൊച്ചുവേളി
ടിക്കറ്റ് നിരക്ക്
സ്റ്റാന്ഡേര്ഡ്, ഇക്കണോമി, ബജറ്റ് എന്നീ മൂന്നു ക്സാസുകളിലാണ് യാത്ര ഒരുക്കിയിരിക്കുന്നത്.
സ്റ്റാന്ഡേര്ഡ് ഡബിള് ഒക്യുപന്സിക്ക് ഒരാള്ക്ക് 32,000 രൂപയും ട്രിപ്പിള് ഒക്യുപന്സിക്ക് 31.550 രൂപയും 5-11 വയസ്സുള്ള കുട്ടികളില് ബെഡ് ആവശ്യമുള്ളവര്ക്ക് 30,850 രൂപയും ബെഡ് ആവശ്യമില്ലാത്തവര്ക്ക് 30,300 രൂപയും ആണ് ടിക്കറ്റ് നിരക്ക്.
സ്റ്റാന്ഡേര്ഡ് ക്ലാസില് ട്രെയിനിൽ എസി 3 ടയർ, ട്രാൻസ്ഫറുകൾക്കുള്ള നോൺ എസി വാഹനങ്ങൾ, രാത്രി തങ്ങുന്ന സ്ഥലങ്ങളിൽ തങ്ങാൻ നോൺ എസി മുറികൾ എന്നിവയും ഇക്കണോമി ക്ലാസില് ട്രെയിനിൽ സ്ലീപ്പർ ക്ലാസ്, ട്രാൻസ്ഫറുകൾക്കുള്ള നോൺ എസി വാഹനങ്ങൾ, രാത്രി തങ്ങുന്ന സ്ഥലങ്ങളിൽ തങ്ങാൻ നോൺ എസി മുറികൾ എന്നിവയും ബജറ്റ് ക്ലാസില് സ്ലീപ്പര് ക്ലാസ് യാത്ര, ട്രെയിനിൽ നോൺ എസി, ട്രാൻസ്ഫറുകൾക്കുള്ള നോൺ എസി വാഹനങ്ങൾ, സ്ഥലങ്ങളിൽ താമസിക്കാൻ ഹാളുകൾ അല്ലെങ്കില് ധര്മ്മശാലകള് എന്നിവയാണ് ലഭ്യമാകുന്ന സൗകര്യങ്ങള്.
PC:Sid Balachandran