കാഞ്ചിപുരം സന്ദര്ശിക്കാന് പറ്റിയ സമയം
വര്ഷത്തില് എപ്പോള് വേണമെങ്കിലും സന്ദര്ശിക്കാന് പറ്റിയ സ്ഥലമാണെങ്കിലും താല്പര്യങ്ങളനുസരിച്ച് സമയത്തില് വ്യത്യാസം വരുത്താം.
ക്ഷേത്രങ്ങള് കണ്ടുകൊണ്ടുള്ള യാത്രയിലാണ് താല്പര്യമെങ്കില് ഒക്ടോബര് മുതല് മെയ് അവസാനം വരെയുള്ള സമയമാണ് മികച്ചത്. സ്ഥലങ്ങള് കാണുക മാത്രമാണ് ഉദ്ദേശമെങ്കില് നവംബര് മുതല് മാര്ച്ച് വരെയുള്ള സമയം തിരഞ്ഞെടുക്കാം.
PC: wikipedia
എത്തിച്ചേരാന്
ചെന്നൈയില് നിന്നും 72 കിലോമീറ്റര് അകലെ സ്ഥിതി ചെയ്യുന്ന കാഞ്ചീപുരം റോഡ് മാര്ഗ്ഗം എളുപ്പത്തില് എത്തിച്ചേരാം. ആകാശമാര്ഗ്ഗമാണ് യാത്രയെങ്കില് അടുത്തുള്ള എയര്പോര്ട്ട് ചെന്നൈ ആണ്. എയര്പോര്ട്ടില് നിന്നും കാഞ്ചീപുരത്തേക്ക് 65 കിലോമീറ്റര് സഞ്ചരിക്കണം.
ചെന്നൈയില് നിന്നും കാഞ്ചീപുരം
ചെന്നൈയില് നിന്നും കാഞ്ചീപുരം വരെയുള്ള യാത്രയില് ആലുകളെ ആകര്ഷിക്കുന്ന നിരവധി കാഴ്ചകളുണ്ട്. തടാകങ്ങളും ക്ഷേത്രങ്ങളും കോവിലുകളും ഒക്കെ ഈ വഴിയുടെ പ്രത്യേകതകളാണ്.
PC:Ssriram mt
കമലാക്ഷി അമ്മന് ക്ഷേത്രം
ഏഴാം നൂറ്റാണ്ടില് പല്ലവ രാജാക്കന്മാര് നിര്മ്മിച്ച കാമാക്ഷി അമ്മന് ക്ഷേത്രം പാര്വ്വതിയുടെ അവതാരമായ കാമാക്ഷിക്കാണ് സമര്പ്പിച്ചിരിക്കുന്നത്. അഞ്ച് ഏക്കറിലധികം വരുന്ന സ്ഥലത്ത് സ്ഥിതി ചെയ്യുന്ന ഇവിടം വാസ്തുവിദ്യകള് കൊണ്ടും വ്യത്യസ്തമായ നിര്മ്മാണ രീതികള് കൊണ്ടും ശൈലികള് കൊണ്ടും ആരെയും ആകര്ഷിക്കുന്നതാണ്.
PC: Bikash Das
ഏകാംബരനാഥര് ക്ഷേത്രം
കാഞ്ചീപുരത്തെ പ്രധാന ആകര്ഷണങ്ങളിലൊന്നാണ് 20 ഏക്കര് സ്ഥലത്ത് വ്യാപിച്ചു കിടക്കുന്ന ഏകാംബരനാഥര് ക്ഷേത്രം. പല്ലവ രാജാക്കന്മാര് നിര്മ്മിച്ച്, ചോള രാജാക്കന്മാര് പുനരുദ്ധാരണം നടത്തിയ ഈ ക്ഷേത്രം കൊത്തുപണികള് കൊണ്ടും മറ്റു കലാവിദ്യകള്കൊണ്ടും പ്രശസ്തമാണ്.
PC: Richard Mortel
കൈലാസ നാഥര് ക്ഷേത്രം
കാഞ്ചീപുരത്തെ അടയാളപ്പെടുത്തുന്ന സ്ഥലങ്ങളിലൊന്നാണ് ഇവിടുത്തെ കൈലാസനാഥര് ക്ഷേത്രം. 58 ചെറിയ ശിവക്ഷേത്രങ്ങളും 18 വശമുള്ള ശിവലിംഗവുമൊക്കെയാണ് ഇവിടുത്തെ പ്രത്യേകതകള്. കാഞ്ചീപുരത്തിന്റെ ചരിത്രം അറിയണമെന്ന് ആഗ്രഹിക്കുന്നവര്ക്ക് പറ്റിയ സ്ഥലമായ ഇവിടം ചരിത്രപ്രേമികള് ഉറപ്പായും സന്ദര്ശിക്കേണ്ട സ്ഥലം തന്നെയാണ്.
PC: Nithi Anand
കാഞ്ചി കുടില്
ഭാരതത്തിലെ ഹൈന്ദവ സംസാകര്തിന്റെ വേരുഖല് തേടിപ്പോകാന് താല്പര്യമുള്ളവര് സന്ദര്ശിച്ചിരിക്കേണ്ട സ്ഥലമാണ് കാഞ്ചിപുരത്തെ കാഞ്ചി കുടില്. ചരിത്രവും പാരമ്പര്യവും ഒരുപോലെ കാണാന് സാധിക്കുന്ന ഇവിടം പുരാതനമായ ഒരു ഭവനത്തിന്റെ മാതൃകയിലാണ് നിലനിര്ത്തിയിരിക്കുന്നത്.
PC: tshrinivasan
ചെമ്പരംബാക്കം തടാകം
തമിഴ്നാടിന് ദാഹശമനം നല്കുന്ന പ്രധാന സ്ഥലങ്ങളിലൊന്നാണ് ചെമ്പരംബാക്കം തടാകം. ആഡ്യാര് നദിയുടെ ഉത്ഭവ സ്ഥനമായ ഇവിടെ പുരാതനമായ രു ശിവക്ഷേത്രവും സ്ഥിതി ചെയ്യുന്നുണ്ട്.
PC: GnanaskandanK
ശ്രീപെരുമ്പൂത്തൂര് ലേക്ക്
കാഞ്ചിപുരത്തിന്റെ മറ്റൊരു പ്രധാന ആകര്ഷണമാണ് ശീപെരുമ്പൂത്തൂര് ലേക്ക്. ഇതിന്റെ ദൃശ്യഭംഗി മാത്രം മതി ആളുകള് ഇതിലേക്ക് ആകര്ഷിക്കപ്പെടാന്.
PC: Destination8infinity
Click it and Unblock the Notifications
.jpg){kind=link}
