നവരാത്രി... വ്യത്യസ്തങ്ങളായ വിശ്വാസങ്ങളും ഐതിഹ്യങ്ങളായും രാജ്യമൊട്ടാകെ ആഘോഷിക്കുന്ന 9 ദിവസങ്ങള്. മഹിഷാസുര വധവുമായി ചേര്ന്നു നില്ക്കുന്ന ഐതിഹ്യമാണ് ദക്ഷിണേന്ത്യയിലെങ്കില് വടക്കേ ഇന്ത്യയിലത് രാവണനിഗ്രഹുമായി ബന്ധപ്പെട്ടു നില്ക്കുന്നു. തിന്മയുടെ മേലുള്ള നന്മയുടെ വിജയത്തെ അടയാളപ്പെടുത്തുന്ന ഈ ഒന്പത് ദിവസങ്ങളിലും ദേവിയുടെ ഒന്പത് രൂപങ്ങളെയും ഭാവങ്ങളെയുമാണ് ആരാധിക്കുന്നത്.
ദേവിയെ ആരാധിക്കുന്ന ക്ഷേത്രങ്ങളിലേക്കുള്ള സന്ദര്ശവനും വ്രതവുമാണ് ഈ ദിവസങ്ങളിലെ പ്രകടമായ ആരാധനകള്. . നവരാത്രി ആഘോഷങ്ങളുടെ ഭാഗമായി വ്രതമെടുക്കുന്ന യാത്രക്കാര്ക്ക് ട്രെയിനില് വ്രത് താലി അവതരിപ്പിച്ചിരിക്കുകയാണ് ഐആര്സിടിസി. വിശദമായി വായിക്കാം
99 രൂപ മുതല് 250 രൂപ വരെ
പ്രത്യേക വിലയിലും അളവിലും വ്യത്യസ്തമായ വ്രത് താലിയാണ് റെയില്വേ അവതരിപ്പിച്ചിരിക്കുന്നത്. 99 രൂപ മുതല് 250 രൂപ വരെയാണ് ഓരോ താലിയുടെയും വില.
99 രൂപ - പഴങ്ങൾ, ബക്ക്വീറ്റ് പഖോരി, തൈര്
99 രൂപ - 2 പറാത്ത, ഉരുളക്കിഴങ്ങ് കറി, സാഗോ പുഡ്ഡിംഗ്
199 രൂപ - 4 പറാത്ത, 3 പച്ചക്കറികൾ, സാഗോ കിച്ച്ഡി
250- പനീർ പറാത്ത, വ്രത് മസാല, സിംഘട, ആലു പറാത്ത എന്നിവ നൽകും.
യാത്രക്കാർക്ക് എളുപ്പത്തില് വിവിധ മാര്ഗ്ഗങ്ങളിലൂടെ ഭക്ഷണം ബുക്ക് ചെയ്യുവാന് സാധിക്കും. ഐആർസിടിസി ആപ്പ് വഴിയോ www.ecatering.irctc.co.in എന്ന വെബ്സൈറ്റ് വഴിയോ അല്ലെങ്കില് 1323 എന്ന നമ്പറിൽ വിളിച്ചോ ഭക്ഷണം ബുക്കിംഗ് നടത്താം. ടിക്കറ്റ് ബുക്കിംഗ് സമയത്ത് പ്രത്യേക ഫാസ്റ്റ് ഫുഡ് താലിയും ഓർഡർ ചെയ്യാവുന്നതാണ്