ട്രെയിൻ യാത്രകൾക്ക് നമ്മൾ സാധാരണയായി ടിക്കറ്റ് ബുക്ക് ചെയ്യുന്നത് ഇന്ത്യന് റെയില്വേ കാറ്ററിംഗ് ആന്ഡ് ടൂറിസം കോര്പറേഷൻ അഥവാ ഐആർസിടിസിയുടെ ഔദ്യോഗിക വെബ്സൈറ്റ് വഴിയാണ്. ഐആർസിടിസിയിൽ പേഴ്സണൽ പ്രൊഫൈലിൽ ലോഗ് ഇൻ ചെയ്തു മാത്രമേ ടിക്കറ്റ് ബുക്കിങ് സാധ്യമാവുകയുള്ളൂ. എന്നാൽ ഒരു അക്കൗണ്ട് വഴി ഒരു മാസം എത്ര ടിക്കറ്റുകൾ ബുക്ക് ചെയ്യുവാൻ സാധിക്കുമെന്ന് അറിയാമോ? പല വിഭാഗങ്ങളിലായി കൃത്യമായ നിയന്ത്രണങ്ങൾ ഐആർടിസിടിസി വഴി ടിക്കറ്റ് ബുക്ക് ചെയ്യുന്നതിനുണ്ട്. അതെന്തൊക്കെയാണെന്നു വിശദമായി വായിക്കാം
നേരത്തെ
ഇതിനു മുൻപ് ഐആര്സിടിസി അക്കൗണ്ട് ഉടമകള്ക്ക് സാധാരണയായി പ്രതിമാസം പരമാവധി 12 ടിക്കറ്റുകള് വരെ മാത്രമേ ബുക്ക് ചെയ്യുവാൻ കഴിയുമായിരുന്നുള്ളു. അതിനു മുൻപ് ഇത് വെറും 6 ടിക്കറ്റ് മാത്രമായിരുന്നു. പിന്നീട് 12 ടിക്കറ്റായി ഉയര്ത്തുകയായിരുന്നു. ഇപ്പോൾ, ഏറ്റവും പുതിയ നിർദ്ദേശമനുസരിച്ച് ഐആര്സിടിസി അക്കൗണ്ടുമായി ആധാര് നമ്പര് ലിങ്ക് ചെയ്താല് പ്രതിമാസം 24 ടിക്കറ്റുകള് വരെ ബുക്ക് ചെയ്യാം.
12 ൽ കൂടുതല് ടിക്കറ്റ് ബുക്ക് ചെയ്താൽ?
24 ടിക്കറ്റ് വരെ ആധാർ കാർഡുമായി ബന്ധിപ്പിച്ച അക്കൗണ്ട് വഴി ഒരു മാസം ബുക്ക് ചെയ്യാമെങ്കിലും ഇതിൽ റെയില്വേയുടെ ചില മാർഗ്ഗനിർദ്ദേശങ്ങൾ പാലിക്കേണ്ടതുണ്ട്. അതായത് നിങ്ങൾ നിങ്ങളുടം ആധാറുമായി ബന്ധിപ്പിച്ച ഐആർസിടിസി ഐഡി വഴി 12 ടിക്കറ്റ് ബുക്ക് ചെയ്തുകളിഞ്ഞുവെന്നു വിചാരിക്കുക. ഇതിനു ശേഷം, അതായത് 13-ാമത് ഒരു ടിക്കറ്റ് ബുക്ക് ചെയ്യേണ്ടി വരുമ്പോൾ ആരുടെ പേരിലാണോ ആ അക്കൗണ്ട് ഉള്ളത്, ആ ഉപയോക്താവ് സ്വയം ഒരു യാത്രക്കാരനായി ഉണ്ടായിരിക്കണം എന്നാണ് റെയിൽവേ ആവശ്യപ്പെടുന്നത്. വ്യക്തിഗത ഐഡികള് ഉപയോഗിച്ച് ട്രെയിന് ടിക്കറ്റ് ബുക്ക് ചെയ്യുകയും പിന്നീടത് അത് വില്ക്കുകയും ചെയ്യുന്നതില് നിന്നും ആളുകളെ തടയുന്നതിനാണ് ഇങ്ങനെയൊരു നിയന്ത്രണം ഏർപ്പെടുത്തിയിരിക്കുന്നത്.
പ്രയോജനകരം
റെയിൽവേ യാത്രക്കാർക്ക് ഏറെ പ്രയോജനകരമായ മാറ്റമാണ് മാസത്തിൽ 24 ടിക്കറ്റ് ഒരു ഐഡിയിൽ നിന്നും ബുക്ക് ചെയ്യുവാനുള്ള നിർദ്ദേശം. സ്ഥിരം യാത്രക്കാർക്കും സ്വന്തം അക്കൗണ്ടിൽ നിന്നും കുടുംബാംഗങ്ങളുടെ യാത്രകൾക്കായി സ്ഥിരം ടിക്കറ്റ് ബുക്ക് ചെയ്യേണ്ടി വരുന്ന ആളുകൾക്കുമാണ് ഈ മാറ്റം കൂടുതലും ഉപകാരപ്രദമാകുന്നത്.