ചന്ദ്രഗ്രഹണം 2022
മെയ് 16 തിങ്കളാഴ്ച രാവിലെ 07:02 ന് ആരംഭിച്ച് ഉച്ചയ്ക്ക് 12:20 ന് ചന്ദ്രഗ്രഹണം അവസാനിക്കും. രാവിലെ 08:59 ന് ഗ്രഹണത്തിന് സമ്പൂര്ണ ഗ്രഹണ പ്രഭാവം വരുമെന്ന് പ്രതീക്ഷിക്കുന്നു. ഈ സമയത്ത് ബ്ലഡ് മൂണ് കൂടുതല് വ്യക്തമായി ദൃശ്യമാകും. മെയ് 16 ന് രാവിലെ 7:02 ന് ചന്ദ്രന് ഭൂമിയുടെ നിഴലിന്റെ പുറം ഭാഗത്തേക്ക് പ്രവേശിക്കുമെന്നാണ് നാസ പുറത്തുവിട്ടിരിക്കുന്ന വിവരം. 08:59ന് ചുവന്ന നിറത്തില് കാണപ്പെടുന്ന ചന്ദ്രന് ഭൂമിയുടെ പൂര്ണ്ണ നിഴലില് ആയിരിക്കും. ഉച്ചയ്ക്ക് 12:20 ന് ഗ്രഹണം അവസാനിക്കും. ഈചന്ദ്രഗ്രഹണം 5 മണിക്കൂർ 17 മിനിറ്റ് നീണ്ടുനില്ക്കും.
ചന്ദ്രഗ്രഹണം 2022 ദൃശ്യമാകുന്നത്
തെക്ക്-പടിഞ്ഞാറന് യൂറോപ്പ്, തെക്ക്-പടിഞ്ഞാറന് ഏഷ്യ, ആഫ്രിക്ക, വടക്കേ അമേരിക്ക, തെക്കേ അമേരിക്ക, പസഫിക് സമുദ്രം, ഇന്ത്യന് മഹാസമുദ്രം, അറ്റ്ലാന്റിക്, അന്റാര്ട്ടിക്ക, മിഡിൽ ഈസ്റ്റിലെ മറ്റ് ചില രാജ്യങ്ങള് എന്നിവിടങ്ങളില് ആണ് 2022 ലെ ചന്ദ്രഗ്രഹണം ദൃശ്യമാകുന്നത്.
ചന്ദ്രഗ്രഹണം 2022 ഇന്ത്യയില്
ഇന്ത്യയില് ഒരുഭാഗത്തും ഈ 2022 ലെ ആദ്യ ചന്ദ്രഗ്രഹണം ദൃശ്യമായേക്കില്ല.
ഇനി വരുന്ന ഗ്രഹണങ്ങള്
2022 ലെ രണ്ടാമത്തേതും അവസാനത്തേതുമായ ചന്ദ്രഗ്രഹണം 2022 നവംബര് 8ന് നടക്കും. 2023ല് രണ്ട് ചന്ദ്രഗ്രഹണങ്ങളും കാണാം. ആദ്യത്തേത് 2023 മെയ് 5, 6 തിയ്യതികളിലും രണ്ടാമത്തേത് ഒക്ടോബര് 28 29 തിയ്യതികളിലും ആയിരിക്കും. ഈ നൂറ്റാണ്ടിലെ ഏറ്റവും ദൈർഘ്യമേറിയ പൂർണ ചന്ദ്രഗ്രഹണം 2018 ജൂലൈ 27 ന് ആയിരുന്നു നടന്നത്. ഇത് ഏകദേശം ഒരു മണിക്കൂർ 42 മിനിറ്റ് നീണ്ടുനിന്നു.
Click it and Unblock the Notifications
