കായലിന്റെ ഓളവും തീരവും തഴുകി ഒരു യാത്ര... കെട്ടുവള്ളങ്ങളുടെ മാസ്മരിക ഭംഗിയില്, കായലിനു നടുവിലൂടെ കരയിലെയും വെള്ളത്തിലെയും കാഴ്ചകൾ കണ്ടും അനുഭവിച്ചുമൊരു യാത്ര... കുറച്ചുകാലം മുൻപ് വരെ നാട്ടിലെത്തുന്ന വിദേശികളും ഉത്തരേന്ത്യക്കാരം മാത്രമായിരുന്നു കായലുകളിൽ കെട്ടുവള്ളങ്ങളിലെ യാത്രകൾ പോയിരുന്നത്... ഒരുപാട് പണം ഇതിനൊക്കെ വേണ്ടിവരും എന്ന ധാരണയിൽ സാധാരണക്കാരാരും ഈ വഴി പോകാറേയില്ലായിരുന്നു.. എന്നാൽ കുറച്ചു നാളുകളായി മലയാളികളുടെ യാത്രാ പ്ലാനുകളില് കായലുകളിലെ കിടിലൻ യാത്രകളും ഇടം നേടിയിട്ടുണ്ട്... പോക്കറ്റിനിണങ്ങുന്ന പാക്കേജുകളും അത്യാകർഷകമാ ഓഫറുകളും വരുമ്പോൾ എങ്ങനെ വേണ്ടന്നുവെക്കും എന്ന ചിന്തയിൽ ഗെറ്റ് ടുഗതറുകൾ മുതൽ കല്യാണങ്ങൾ വരെ വള്ളങ്ങളിലായി... ഇതാ ഇന്ന് സഞ്ചാരികൾക്കിടയിൽ ട്രെൻഡിങ്ങിൽ നിൽക്കുന്ന കായല് കെട്ടുവള്ള യാത്രകൾ പരിചയപ്പെടാം....
കൊല്ലം
ജലഗതാഗത രംഗത്ത് വൻ സംഭാവനകൾ നല്കിക്കൊണ്ടിരിക്കുന്ന സ്ഥലമാണ് കൊല്ലം. അഷ്ടമുടി കാൽ മാത്രം മതി കൊല്ലത്തിന്റെ ഗരിമ ഉയർത്തുവാൻ. ഉൾനാടൻ ജലഗതാഗതത്തിന്റെ വ്യത്യസ്തമായ മാനങ്ങൾ കാണിച്ചുതരുന്ന മൺറോ തുരുത്ത്, സാധിക്കുമെങ്കിൽ കണ്ടിരിക്കേണ്ട സ്ഥലമാണ്. ഭക്ഷണമാണ് കൊല്ലം യാത്രയിൽ ആസ്വദിക്കുവാൻ പറ്റിയ മറ്റൊരു കാര്യം.
വൈവിധ്യമാർന്ന അനുഭവങ്ങളാണ് വിനോദസഞ്ചാരികൾക്ക് മുന്നിൽ കൊച്ചി നല്കുന്നത്. അതിലൊന്ന് ഇവിടുത്തെ ജലഗതാഗതമാണ്. വേമ്പനാട് കായലിന്റെ തീരത്തു നിന്നാരംഭിക്കുന്ന യാത്രയിൽ ഒരുപാട് കാഴ്ചകൾ കാണാം. പരമ്പരാഗത മത്സ്യബന്ധന വലകളും ആകർഷകമായ തടാകങ്ങളും ഇതില് കാണാം.